Nəhayət, Manuel Noyerin məsələsinə aydınlıq gəlib.

Təcrübəli futbolçu haqqında gəzən şayiələrə son qoyub.

“Bavariya” rəhbərliyi 38 yaşlı qapıçı ilə müqaviləni yeniləyib. Almaniya klubunun rəsmi saytının məlumatına görə, kapitanla imzalanan yeni sözləşmənin müddəti 2026-cı ilin yayına qədərdi. Əvvəlki müqavilə isə cari mövsümün sonunda qüvvədən düşəcəkdi.

Manuel “Bavariya”ya 2011-ci ildə “Şalke-04”dən keçib. O, bu mövsüm komandanın qapısını bundesliqanın 16 oyununda qoruyub.