Manuel Noyer karyerasını böyük ehtimalla hazırkı klubunda davam etdirəcək.

“Bavariya” rəhbərliyi qapıçı ilə yeni müqavilə bağlamağa hazırlaşır. Almaniya mətbuatının məlumatına görə, tərəflər artıq yeni sözləşmənin şərtləri ilə bağlı razılığa gəliblər. 38 yaşlı futbolçu ilə müqavilənin müddəti 2026-cı ilin yayınadək uzadalacaq.

Qeyd edək ki, Manuel bu mövsüm bundesliqada 11 oyun keçirib. Hazırda zədəli olan qolkiperin azı gələn ilin fevral ayınadək yaşıl meydanlardan uzaqda qalacağı bildirilib.