Bu qış hələ ki, heyətinə yeni oyunçu cəlb etməyən ''Beşiktaş''la bağlı maraqlı transfer xəbəri var.

''Football-plus.az'' xəbər verir ki, ''Qartal'' heyətini ''Fənərbaxça''nın futbolçusu ilə gücləndirmək istəyir. Söhbət Joze Mourinyonun gözünə girə bilməyən və gününü ehtiyat oyunçular skamyasında keçirən Cengiz Ündərdən gedir.

Türkiyə mətbuatının yazdığına inansaq, ''Beşiktaş'' Cengizi ilyarımlığa icarəyə götürmək istəyir. ''Ağ-qaralar'' Türkiyə yığmasının üzvünü daimi əsasda transfer edə bilmək hüququnu da ələ keçirmək istəyirlər. ''Beşiktaş'' ilyarımlıq icarə üçün ''sarı-lacivərdlilər''ə 4 milyon avro tələb edib. Danışıqlar davam edir. Amma Ündər karyerasını İtaliyada da davam etdirə bilər. Çünki ''Torino''nun bu futbolçuya ciddi marağı davam edir. Xatırladaq ki, 2023-ün yayında 15 milyon avroya transfer edilən Cengiz o dönəmdə ''Fənərbaxça''tarixinin ən bahalı futbolçusuna çevrilmişdi. İsmayıl Kartalın dönəmində pis təsir bağışlamayan 27 yaşlı vinger Mourinyonun gəlişindən sonra gözdən düşdü.

Bu mövsüm o cəmi 7 oyunda ümumilikdə 161 dəqiqə oynamaq şansı qazanıb. İndiki dəyəri 7,5 milyon avro olan Cengizin ''Fənərbaxça'' ilə 2027-ci ilə qədər müqaviləsi var.

ƏLİ