“Superkuboku qazandığımıza görə çox xoşbəxtəm. Qısa zamanda “Eqnatiya” ilə yeni uğura imza atmaq çox sevindirici haldı. İndi bütün fikrimizi çempion olmağa, Çempionlar Liqasında oynamağa yönəltmişik. İnanıram ki, mövsümün sonunda məqsədimizə çata bilərik. Təəssüf ki, oyunda iştirak edə bilmədim. "Dinamo" ilə görüşdən sonra əzələmdə yüngül gərilmə var idi. Əsas odu ki, hər şey yolunda getdi və komandamız qələbə qazandı. Son vaxtlar daha az şans qazandığıma görə narahatlığım yoxdu. Məşqçinin qərarıdı, ona da hörmətlə yanaşıram. Əlbəttə, bütün oyunlarda meydana çıxmaq istəyirəm və bunun üçün çox çalışıram. Növbəti oyunlarda daha çox şans qazanacağıma əminəm”.