PSJ 16-cı turdan irəli çəkilən oyunda səfərdə “Monako” üzərində inamlı qələbə qazandı.

Oyunun əvvəli qol vəziyyətlərinin boşa verilməsindən daha çox Donnarumanın ciddi zədə almasıyla yadda qaldı. Sinqo yüksək sürətlə qapıçı ilə toqquşdu, daha doğrusu, onun ayağı italiyalının sifətinə dəydi. Onu Safonovla əvəz etmək lazım gəldi. Oyun bərpa olunandan bir dəqiqə sona parislilər Duenin sayəsində irəli çıxdı. “Knyazlıq klubu” 2-ci hissənin əvvəlində fəallaşdı. Əvvəlcə Ben Seqir Akliuşa qarşı kobudluğa görə təyin olunan penaltini qola çevirməklə hesabı bərabərləşdirdi. Cəmi 7 dəqiqə sonra Akliuşun qapı önünə ötürməsini tamamlayan Embolo Safonovu məyus etdi. Belə soyuq düşdan sonra çox tez özünə gələn parislilərin haqqını vermək lazımdı. 64-cü dəqiqədə Ken Ruisin zərbəsini qaytarsa da, Dembele təkrar zərbə ilə topu tora qovuşdurdu. Sona 7 dəqiqə qalmış Ramuş Li Kan İnin künc zərbəsindən asmasını başla tamamladı.

Məğlubiyyətlə barışmaq istəyən “knyazlar” böyük qüvvə ilə irəli atıldı. Parislilərə də elə bu lazım idi. 7-ci uzatma dəqiqəsində təkbətək çıxan Dembele ustalıqla topu qapıçının başı üzərindən aşırdı. Beləliklə, PSJ qış fasiləsinə izləyicilərindən 10 xal öndə yollandı. Parislilər bütün turnirlərdə ardıcıl 3-cü qələbəsini qazandısa, “knyazlar” son 6 oyunun yalnız birində sevinib.

16-cı tur
Monako – PSJ 2:4
Ben Seqir, 53-p. Embolo, 60 – Due, 24. Dembele, 64; 90+8. Ramuş, 83. (12095)
Monako: Ken, Vanderson, Kerer, Salisu (İlenihena, 89), Sinqo, Kamara (Minamino, 74), Maqassa, Akliuş, Qolovin (Matazo, 89), Ben Seqir, Embolo.
PSJ: Donnarumma (Safonov, 22), Hakimi, Markinyos, Paço, Zair-Emeri, Ruis, Neveş (L.Ernandes, 65), Vitinya, Barkola (Li Kan İn, 65), Dembele, Due (Ramuş, 80).

Turun qalan oyunları yanvarın 3-5-i aralığında keçiriləcək.
1. PSJ – 40, 2-3. Marsel, Monako – 30...

Bombardir: Devid (Lill) – 11.