Futzal millimiz Qazaxıstanla qarşılaşıb.

Dünənki oyunla müqayisədə millinin heyətində itkilər var idi. Qalo və Eduardo zədəli olduğuna görə meydana çıxmamışdı. Ramiz Çovdarov isə iynə hesabına komandadakı yerini almışdı. Kapitan sarğısı Emin Kürdova həvalə edilmişdi. Oyuna rəqib qolla başladı. Emin topu qaytarsa da, “mərmi” özünə dəyib tora daxil oldu. Amma 6-cı dəqiqənin tamamına 4 saniyə qalmış tablodakı rəqəmlər millimizin üstünlüyünü göstərirdi. Əvvəlcə Baton Vilelanın ötürməsini tora qovuşdurdu. Daha sonra forvard özü cərimə zərbəsini birbaşa qapıya “sancdı”. Vilela 3 dəqiqə sonra yenə cərimə zərbəsini birbaşa qapıya vurmaqla fərqi 2 topa çatdırdı. 10-cu dəqiqədə rəqibə qarşı cərimə meydançasının kənarında kobudluq edilsə də, referi 6 metrlik nöqtəni göstərdi. Dəqiq oynayan Akbalıkov 35 saniyə sonra dubl etdi və hesabı bərabərləşdirdi. Status-kvonu növbəti dəfə Vilela pozdu. Rəqib müdafiəsini pərən-pərən salan forvard hetr-trikini rəsmiləşdirdi. Artıq beşinci oyunçu kimi tez-tez irəli çıxan Kürdov adını tabloya yazdırmağı bacardı. Birinci hissənin hesabını müəyyənləşdirən qol Taynandan gəldi. İkinci hissədə də siftəni Taynan etdi. Felipinyo qapıçı ilə üzbəüz qaldığı epizodda dəqiq oynaya bilmədi, əvəzində rəqib hesabı xeyrinə dəyişdi. Kornerdən ötürməni Akbalıkov qapıdan keçirdi.

Qazaxıstan – Azərbaycan (4:5) 6:5
20 sentyabr. Aktau, Halyk Arena. Saat 15:30
Qollar: Çıngiz Esenamanov, 1:48, Albert Akbalıkov, 9:20 pen. 9:55, 32:36, Taynan, 15:54, 21:02 // Baton, 3:04, Vilela, 5:56, 8:17, 12:00, Emin Kürdov, 13:03