''Fənərbaxça'' uzun müddətdi danışıqlar apardığı Anderson Talişkanın transferini tamamlamaq üzrədi.

''Fənər'' cəbhəsindən danışıqlarda yalnız vitse-prezident Acun Ilıcalı iştirak edir. Rəhbərlik bu transferi ona həvalə edib. Türkiyənin əksər mənbələrinin iddiasına görə həm Talişka, həm də onun şərəfini qoruduğu Səudiyyə Ərəbistanı nəhəngi ''Əl-Nəsr'' ilə bütün prinsipial məsələlərdə anlaşma əldə olunub. 30 yaşlı futbolçu əvvəlcə 6 aylığa icarəyə götürüləcək. Amma İstanbul nəhəngi onu daimi əsasda transfer edə bilmək hüququnu da ələ keçirəcək.

Keçidin maddi detallarına gəlincə, Talişka Səudiyyə Ərəbistanında illik 12 milyon avro qazanır. Yəni mövsümün ikinci dövrəsi üçün ona 6 milyon avro ödənilməlidi. Bu məbləği ''Fənərbaxça'' və ''Əl-Nəsr'' yarıbayarı ödəyəcəklər. Qarşı tərəfə heç bir icarə haqqı ödənilməyəcək. ''Fənər'' mövsümün sonunda 5 milyon avro ödəyərək braziliyalını daimi əsasda transfer edəcək və onunla üçillik müqavilə imzalanacaq. Hər halda komandanın Talişka ilə bağlı planları məhz bu cürdü.

Daha öncə 2016/17-də ''Beşiktaş''la Türkiyə çempionu olan təcrübəli futbolçu bu mövsüm ''Əl-Nəsr''də iştirak etdiyi 19 qarşılaşmada 8 qol vurub. Bu transferin qarşısında dayanan əsas maneə odu ki, ''Əl-Nəsr'' ''Fənər''li Yussef Ən-Nəsiriyə maraq göstərməkdə davam edir. Amma ərəblər hətta 30 milyon avrodan da çox təklif etsələr də, Joze Mourinyo merakeşli hücumçunun satılmasını istəmir.

ƏLİ