''Fənərbaxça''nın bu qış üçün bir nömrəli transfer hədəfi olan Anderson Talişka ilə bağlı yeni xəbər var.

Joze Mourinyo da rəhbərlikdən israrla bu futbolçunun transferini tələb edir. Türkiyənin ''Sabah'' nəşrinin iddiasına görə uzun müddətdi, aparılan danışıqlar uğurla keçir və artıq son mərhələdədi. İndi yalnız ''Fənərbaxça''nın Əl-Nəsr''ə ödəyəcəyi təzminat məsələsini həll etmək qalıb. Səudiyyə Ərəbistanı təmsilçisi 8 milyon avro tələb edir. İstanbul nəhəngi isə bu məbləği bir qədər aşağı salmağa çalışır. 30 yaşlı futbolçunun özü ilə isə artıq anlaşma əldə olunub. Onunla üçillik müqavilə imzalanacaq. Cari mövsümün ikinci dövrəsi üçün ona 6 milyon avro ödəniləcək.

Gələn mövsümdən etibarən isə braziliyalının illik maaşı 10 milyon avroya bərabər olacaq. Ən son ''Kayserispor''la oyunun ardından Mourinyo Talişka ilə bağlı suala ''heç nədən xəbərim yoxdu'' cavabını verməklə kifayətləndi. Türkiyədə daha öncə ''Beşiktaş''la 2016/17-də çempion olmuş və 2021-dən bu yana ''Əl-Nəsr''in şərəfini qoruyan ''sambaçı'' bu mövsüm 17 rəsmi oyuna 8 qol vurub. Onun ''Əl-Nəsr'' ilə 2026-ya qədər müqaviləsi var.

ƏLİ