“Sumqayıt” Misli premyer-liqasının 17-ci turunda “Kəpəz”lə heç-heçə etdi - 0:0.

“Football-plus.az” xəbər verir ki, oyundan sonra qonaqların baş məşqçisi Vaqif Cavadov mətbuat konfransı keçirib.

- Məncə, maraqlı oyunun şahidi olduz. Komandamdan çox razıyam, futbolçular əzmkarlıqlarını və istəklərini ortaya qoydular. İlin son oyunu idi. Bu istəklə vuruşduqlarına görə futbolçulara təşəkkür edirəm. Bu istəklə yaxşı işlər görəcəyik.

- İlk hissədə “Sumqayıt” sanki oyununu tapa bilmirdi. İkinci yarıda necə toparlandız?
- Oyunçularda özünəinam yox idi. Son ötürmələri dəqiq verə bilmirdik. Şanslar yaradırdıq. Futbolçular hücuma çıxa bilir, sadəcə, son nöqtəni qoya bilmədik. Bugünkü oyundan razıyam.

- Mediada bir neçə futbolçunuzun adı "Neftçi" ilə hallanır. Bu məqam sizi narahat etmir?
- Komandadan futbolçu gedirsə, bu, hər məşqçini narahat edə bilər. Amma futboldu. Müqavilə müddəti bitən futbolçuların gedişinə normal baxmalıyıq. Biz də kimlərisə transfer edirik. "Neftçi" kimi komandanın bizim oyunçuları istəməsi xoşdu. Hər futbolçumuzun arxasındayıq. Onların heç birinin gedişini istəmirik.

- Gənc futbolçuları icarəyə verəcəksiz?
- Elə də geniş heyətimiz yoxdu ki, kimlərisə icarəyə göndərək. Amma bəziləri gedə bilər. Mən "Sumqayıt"da olduğum müddətdə futbolçuların inkişafı üçün onlara hər cür kömək edəcəm.

ƏSƏD SEYİDOV