"Qarabağ" Avropa Liqasının 1-ci turunda evdə "Molde"ni məğlub etdi - 1:0.

Oyundan sonra Norveç təmsilçisinin 28 yaşlı yarımmüdafiəçisi Kristian Eriksen "Football-plus.az"ın suallarını cavablandırdı.

- Bu gün siz "Qarabağ"a uduzduz. Oyun haqqında təəssüratların...
- Bu gün "Qarabağ" kombinasiyalı idi. Onların yaxşı mərkəz xətti var. Biz pressinqdən çıxa bilmirdik.
"Qarabağ" üçün yaxşı gün idi. Oyun strukturumuzu tapa bilmirdik. Həqiqətən də bu gün yaxşı komanda ilə oynadıq.

- Səncə, məğlubiyyətə nə səbəb oldu?
- Məncə, "Qarabağ" yaxşı pressinq tətbiq elədi və biz qabağda kifayət qədər topa sahib ola bilmirdik. Biz topu itirəndən sonra dərhal onu geri ala bilmirdik. "Qarabağ" öz oyununu oynayırdı, amma biz öz oyunumuzu tapa bilmirdik.

- Bu qrupdakı şansınızı qiymətləndirərdin...
- Azərkeşlər daim komandanın arxasındadılar. Amma ümid edirəm ki, "Molde" sonda qrup lideri olar.

CAVİD ƏLİYEV