“Sumqayıt” Misli premyer-liqasının 15-ci turunda “Zirə”yə uduzdu - 1:4.

“Football-plus.az” xəbər verir ki, “Sumqayıt”ın baş məşqçisi Vaqif Cavadov oyunsonrası mətbuat konfransında jurnalistlərin suallarını cavabladı.

- İki fərqli hissə gördük. “Zirə” çox yaxşı mübarizə apardı. Onlara hörmətlə yanaşsaqda, vurulan qolları biz hədiyyə etdik. Lazım olmayan bir yerdə səhvlər etmək qolla nəticələnir. Komandanın oyunundan razıyam. Rəqib bizim səhvlərimizdən istifadə etdi. Növbəti oyunlara hazırlaşacağıq. Bu mübarizəyə görə futbolçularıma təşəkkür edirəm.

- Nə dəyişdi ki, komanda bəsit qollar buraxdı?
- 65-70-ci dəqiqədə olsa güc, fiziki cəhətdən əlaqələndirərdim. Lazımsız ortaya ötürmələr futbolçunun səhv etməyinə gətirib çıxarır. Gənc futbolçularımızın sayı çoxdu. Günahı kiminsə üstünə atmaq məndə olmayıb. Udanda da, uduzanda da birik. İrəli baxmaq lazımdı.

- Sərtana çox əsəbləşdiniz…
- Futbolda emosiyalar olur. Ən çox dəyər verdiyim futbolçulardandı. Öz səhvini bilir. Heç bir futbolçuyla incikliyim olmayıb və olmayacaq. İnanıram ki, birdaha təkrarlanmayacaq.

- Fasilədə komandaya tapşırıq verdizmi ki, tempi qorusunlar?
- İstəyimiz qalib gəlmək idi. Səhvlərimiz 70-ci dəqiqədə olsaydı deyərdim ki, komanda yorulmuşdu. İkinci hissədə bizim səhvlərimizdən istifadə etdilər. Belə bir komandaya qarşı oynayanda hesabı dəyişdirmək çətindi. Növbəti oyunlarda asan səhvlər etməyəcəyik.

- Düşünmürsüz ki, komandada arxayınlıq var idi?
- Biz çalışırıq ki, hər oyun vuruşaq. "Sumqayıt"da arxayınçılıq ola bilməz.

ƏSƏD SEYİDOV