Lionel Messinin “İnter Mayami”də nə vaxta qədər oynayacağı məlum olub.

Argentinalı hücumçu artıq gələcəyi ilə bağlı qərarını verib. “talkSPORT”un yaydığı məlumata görə, 37 yaşlı futbolçu klubu ilə müqaviləsinin müddəti sona çatana qədər komandanı tərk etmək niyyətində deyil. Onun ABŞ klubu ilə müqaviləsinin müddəti 2025-ci il dekabrın 31-nə qədərdi. Messinin bu tarixdən sonra “Barselona”ya qayıdacağı ehtimal olunur.

O, 2026-cı ilin yayına qədər lazımi təcrübə keçmək və Argentina yığmasıyla dünya çempionatında oynamaq üçün Mayami klubunda oynamağa davam etmək istəyir.

Lionel hazırkı klubunda 2023-cü ilin yayından çıxış edir. O, komandada bütün turnirlərdə 39 matç keçirib, 34 qol vurub və 18 məhsuldar ötürmə edib.