Lionel Messi karyerasını İngiltərədə davam etdirə bilər.

“Ole” nəşrinin məlumatında PSJ-nin 35 yaşlı hücumçusuna premyer-liqa klubundan təklif gəldiyi bildirilib. Lakin hələlik həmin klubun adı açıqlanmayıb. Messinin təklifə hansı cavabı verdiyi isə məlum deyil.

Bir müddət əvvəl argentinalı forvarda Səudiyyə Ərəbistanının “Əl-Hilal” və ABŞ-ın “İnter Mayami” klubundan sərfəli təkliflər gəldiyi xəbər verilmişdi.
Messinin PSJ ilə müqaviləsinin müddəti bu yay sona çatacaq. Ulduz futbolçu müqaviləni yeniləmək fikrində deyil. Lionelin 2004-21-ci illərdə çıxış etdiyi “Barselona”ya qayıdacağı ehtimal olunur.