“İnter Mayami”nin 2023-cü il mövsümü üçün ən yaxşı oyunçusu müəyyənləşib.

"Football-plus.az" xəbər verir ki, seçimin nəticəsi heç kimi təəccübləndirməyib.

ABŞ klubunun saytının məlumatına görə, Lionel Messi bütün oyundaşlarını arxada qoyub. Xatırladaq ki, ulduz futbolçu komandaya bu ilin yayında azad agent kimi qoşulub. Messinin “İnter Mayami” ilə bağladığı müqavilənin müddəti 2025-ci ilə qədər nəzərdə tutulub. Argentinalı hücumçu bu mövsüm komandada ümumilikdə 14 oyun keçirib, 11 qol vurub və 5 məhsuldar ötürmə edib. Lionel “İnter Mayami”nin Liqa kubokunu qazanmasında böyük rol oynayıb.