"Kəpəz"lə matç haqda onu deyə bilərəm ki, xal itkisinə görə baş məşqçini günahlandırmaq doğru olmaz. Komanda bu qədər imkan yaradıb dəyərləndirə bilmirsə, imkanları sağa-sola xərcləyirsə, qapı boş olanda belə qol vura bilmirsə, başqa söz deyə bilmərəm. Bəlkə də əvvəldən strategiya düzgün qurulmayıb. Amma məncə, Krunoslav Renduliçi əhatə edən nəsə yoxdu. Xal itkisinin görünən yeganə səbəbi futbolçuların arxayınlığı oldu. Mümkün istefa haqda suala gəlincə, komandanın bu ərəfədə baş məşqçi dəyişikliyi yaşaması məqsədəuyğun deyil. Uzunmüddətli strategiyadan söhbət gedirsə, mövsümün əvvəlində dəyişiklik etmək doğru addım olmaz. Belə qərarlar əksər hallarda ikinci dövrənin sonunda və ya mövsümlərarası fasilədə verilir ki, yeni baş məşqçinin hazırlıq və uyğunlaşmaq üçün yetərincə vaxtı olsun. "Sabah"ın ümumi quruluşu da məhz uzunmüddətli strategiyaya bənzəyir. Məncə, komandanın beş oyunda qələbə qazana bilməməsi bərbad hal deyil. Qısası, Renduliçlə yolların ayrılması üçün ciddi səbəb yoxdu".