"Sabah" dünən "doğma divarlar" arasında "Kəpəz"in öhdəsindən gələ bilmədi - 2:2. "Bayquşlar" ardıcıl beşinci oyunda qələbəyə həsrət qaldı.

Uğursuzluğu başqa cür də ifadə etmək olar: komanda millinin oyunlarıyla bağlı fasiləyə "avrokuboklar zonası"nda yollanmaq imkanını autsayderlə matçda xal itirməklə əldən verdi. Ardınca Krunoslav Renduliç oyunsonrası mətbuat konfransında itirilən xallarla kino çəkməyin mümkün olduğunu dedi. Görəsən, heç kimə lazım olmayan bəhanələrindən də kitab yazmaq olarmı?

Yəqin ki, o, belə tənqidi suala həmişə olduğu kimi aqressiv cavab verər və növbəti oyunda qalib gələcəklərini deyərək vaxt qazanar...

Əsas məsələ odu ki, xorvatiyalının istefa verdiyi haqda xəbərlər yayılıb. İddialara görə, dünən rəhbərlik və baş məşqçinin iştirakıyla keçirilən iclas mütəxəssislə yolların ayrılmasıyla nəticələnib.

Bilginin səhih olub-olmadığını öyrənmək üçün "Sabah"ın mətbuat xidmətinin rəhbəri Elnur Həmidova müraciət etdik. Onun "Football-plus.az"a cavabı: