Aslan Kərimov: “Finalda isə “Neftçi”ylə “Qəbələ”nin qarşılaşacağı daha real görünür”
Azərbaycan kubokunda yarımfinal cütləri bəliidi. Belə ki, “Neftçi” 1/4 finalda çətinliklə “Zirə”ni üstələyərək “Kəpəz”i mübarizədən kənarlaşdıran “Turan Tovuz”la qarşılaşacaq.
Football-plus.az xəbər verir ki, digər cütü təşkil edənlər isə çempionluğa iddialı klubları məğlub edərək yarımfinala adlayıb. “Qəbələ” son çempion “Qarabağ”ı, turnir cədvəlinin “zirzəmi”sində qərarlaşan “Səbail” isə çempionluğa iddialı “Sabah”ı üstələdi. Bütün bunlar kubokun yarımfinal və finalında da maraqlı, gərgin oyunların olacağına işarədi. Maraqlıdı, yarımfinalda bu komandaların yer alacağı gözlənilən idi? Onlardan hansılar finala daha yaxın görünür? Bu suallara cavab tapmaq üçün Aslan Kərimova müraciət etdik:
“Əslində birinci oyundan sonra “Neftçi”nin mərhələni keçməyəcəyinə şübhə etmirdim. Cavab matçında da çətinliklə üzləşəcəyi gözlənilirdi ki, belə də oldu. Yalnız təsadüf nəticəsində, əlavə vaxtda qol vura bildilər. Çünki buna qədər “Zirə” də penaltini qaçırdı. Qol olsaydı, nəticə fərqli olardı. Amma vuruşdular və qələbə qazandılar. Əslində “Neftçi”dən daha çox “Qarabağ” bizi təəccübləndirdi. Komandanın içində olmadığıma görə səbəbləri deyə bilmərəm. Lakin oyuna baxanda da görünürdü ki, çoxlu top itkisi var. “Qəbələ” isə çox yaxşı oyun nümayiş etdirdi. Xüsusən də hücumda. Və sonda “Qarabağ”ı kubokdan kənarda qoymağı bacardı.
“Səbail” – “Sabah” matçında da “bayquşlar” ilk oyunda azlıqda qalmalarına baxmayaraq, fərqi azalda bildilər. Bu da o demək idi ki, cavab görüşündə daha üstün oyun nümayiş etdirəcəklər. Amma elə olmadı. “Səbail” doğru strategiya seçmişdi, oyunu əks-hücumlarda qurmuşdu və bu üsulla qələbə qazana bildi. Qərb derbisinin isə hər iki oyunu çox gərgin keçdi. Bəlkə də “Qarabağ” – “Qəbələ” və “Neftçi” – “Zirə” oyunu qədər keyfiyyətli olmasa da, oyunun gərginliyi azarkeşlərə zövq verdi. Kubok qarşılaşmalarının da çempionat matçlarından fərqi elə budu ki, hansısa bir səhv nəticəni təyin edir. “Turan Tovuz”un ilk dəqiqələrdə vurduğu 2 qol, ondan sonra rəqibin daha yaxşı oynamasına baxmayaraq, mərhələni keçməsinə şərait yaratdı. Finalda isə “Neftçi”ylə “Qəbələ”nin qarşılaşacağı daha real görünür. Təbii ki, proqnoz vermək çətindi. Amma təcrübəsinə və potensialına görə bu iki komandanın həlledici oyunda üzə-üzə gələcəyini düşünürəm”.
“Səbail” – “Sabah” matçında da “bayquşlar” ilk oyunda azlıqda qalmalarına baxmayaraq, fərqi azalda bildilər. Bu da o demək idi ki, cavab görüşündə daha üstün oyun nümayiş etdirəcəklər. Amma elə olmadı. “Səbail” doğru strategiya seçmişdi, oyunu əks-hücumlarda qurmuşdu və bu üsulla qələbə qazana bildi. Qərb derbisinin isə hər iki oyunu çox gərgin keçdi. Bəlkə də “Qarabağ” – “Qəbələ” və “Neftçi” – “Zirə” oyunu qədər keyfiyyətli olmasa da, oyunun gərginliyi azarkeşlərə zövq verdi. Kubok qarşılaşmalarının da çempionat matçlarından fərqi elə budu ki, hansısa bir səhv nəticəni təyin edir. “Turan Tovuz”un ilk dəqiqələrdə vurduğu 2 qol, ondan sonra rəqibin daha yaxşı oynamasına baxmayaraq, mərhələni keçməsinə şərait yaratdı. Finalda isə “Neftçi”ylə “Qəbələ”nin qarşılaşacağı daha real görünür. Təbii ki, proqnoz vermək çətindi. Amma təcrübəsinə və potensialına görə bu iki komandanın həlledici oyunda üzə-üzə gələcəyini düşünürəm”.
ŞAİR ABDULLA
Digər xəbərlər
