Artıq Braziliyada çempionluq uğrunda mübarizənin həlledici mərhələsi başlayıb. 31-ci tur “Botafoqo” üçün düşərli alındı. Lider qələbə qazandı, əsas izləyicisi isə iki xal itirdi. Nəticədə liderlə “Palmeyras” arasındakı xal fərqi 3-ə yüksəldi.

Artur Jorjenin komandasının “Braqantino” ilə səfər oyununda maksimum nəticə əldə etməsi gözlənilən idi. Rio de janeyroluların qələbə şansı rəqibin bu mövsüm zəif çıxışına görə yüksək idi. Gözlənildiyi kimi, matç “Botafoqo”nun üstünlüyü ilə keçdi. Buna baxmayaraq, qonaq komanda qapıya yalnız son dəqiqələrdə yol tapa bildi. “Ağ-qaralar”ı çempionluq yarışında xal itkisindən yarımmüdafiəçi Qreqore xilas etdi. Nəticədə 3 xal qazanan “Botafoqo” liderliyini möhkəmləndirdi.

“Botafoqo” indi əsas izləyicisini 3 xal qabaqlayır. Ona görə ki, “Palmeyras” turu xal itkisi ilə başa vurdu. Braziliyanın son çempionunun “Fortaleza” ilə görüşü turun mərkəzi oyunu sayılırdı. Fortalezalıların da çempionluğa iddia etməsi “Alyants Parke”dəki matça marağı birəbeş artırmışdı. Oyun, gözlənildiyi kimi, gərgin mübarizə şəraitində keçdi. Ev sahibləri iki dəfə hesabda önə keçsələr də, qonaqlar hər dəfə cavab qolunu vurmağa müvəffəq oldular. Nəticədə 2:2 hesablı heç-heçə hər iki tərəfə zərbə oldu. Abel Ferreyranın çalışdırdığı “Palmeyras” bu nəticə ilə liderdən 3 xal geri düşdü. Xuan Voyvodanın komandası isə indi “Botafoqo”dan 7 xal geri qalır.

Qeyri-qənaətbəxş nəticələrə görə istefaya göndərilən Titenin səlahiyyətlərini müvəqqəti icra edən Filipe Luisin “Flamenqo”un baş məşqçi vəzifəsində debütü uğursuz alınmışdı. Əvvəlki turda derbidə “Fluminense”yə 0:2 hesabıyla uduzan komanda çempionluq yarışından bir qədər geri düşmüşdü. 39 yaşlı Filipe Luisin növbəti iki sınağı ümumilikdə uğurlu alındı. “Flamenqo” əvvəlcə evdə “Juventude”yə 4:2 hesabı ilə qalib gəldi. Sonra isə17-ci turdan təxirə salınan səfər oyununda “İnternasyonal” ilə heç-heçəyə nail oldu. İki oyuna qazanılan 4 xal “qırmızı-qaralar”ın 4-cü pillədəki mövqeyinə təsir etmədi. “Flamenqo” indi liderdən 9 xal geri qalır.

31-ci tur
Braqantino - Botafoqo RJ 0:1
Qreqore, 86.
Palmeyras - Fortaleza 2:2
Rafael Veyqa, 29-p. Estevao, 57-p. – Erkules, 38. Moyses, 62.
Flamenqo - Juventude 4:2
Mikael, 8. Qabriel Barboza, 49-p. De Arraskaeta, 54. Plata, 90+5 – Jilberto, 24. Edson Karioka, 70.
Krisiuma - San Paulu 1:1
Felipe Vizeu, 22 – Liziero, 87.
Atletiko Mineyro - İnternasyonal 1:3
Varqas, 45+3-p. – Alan Patrik, 38-p. Bernabey, 40. Tabata, 88.
Qremio - Atletiko Qoyaniense 3:1
Soteldo, 40. Pepe, 59. Vilyasanti, 83 – Derek, 28.
Vitoriya – Fluminense 2:1
Neris, 45+1. Alerrandro, 90+1-p. – Lukas Arkanyo, 61-öz qapısına.
Atletiko Paranaense - Kruzeyro 3:0
Pablo, 25. Julimar, 46. Nikao, 80.
Kuyaba - Korintians 0:1
Depay, 44-p.
Vasku da Qama - Bayya 3:2
E.Rodriges, 12. Payet, 18-p.; 32 – L. Rodriges, 42. Ademir, 75.

17-ci turdan təxirə salınan oyun
İnternasyonal - Flamenqo 1:1
Valensiya, 89 – Alkaras, 45+3-p.

19-cu turdan təxirə salınan oyun
Vasku da Qama – Kuyaba 1:0
Uqo Moura, 53.

1. Botafoqo RJ 31 19 7 5 49-26 64
2. Palmeyras 31 18 7 6 53-25 61
3. Fortaleza 31 16 9 6 41-32 57
4. Flamenqo 31 16 7 8 50-37 55
5. İnternasyonal 31 14 11 6 42-28 53
6. San Paulu 31 15 6 10 42-33 51
7. Bayya 31 13 7 11 42-37 46
8. Kruzeyro 31 12 8 11 36-33 44
9. Vasku da Qama 31 12 7 12 36-43 43
10. Atletiko Mineyro 30 10 11 9 42- 45 41
11. Qremio 31 11 5 15 36-39 38
12. Krisiuma 31 9 10 12 38-44 37
13. Fluminense 31 10 6 15 26-32 36
14. Vitoriya 31 10 5 16 35-45 35
15. Korintians 31 8 11 12 35-40 35
16. Atletiko Paranaense 30 9 7 14 32-37 34
17. Braqantino 31 8 10 13 34-40 34
18. Juventude 31 8 10 13 38-48 34
19. Kuyaba 31 6 9 16 25-41 27
20. Atletiko Qoyaniense 31 5 7 19 23-50 22

Bombardirlər: Pedro (Flamenqo), Estevao (Palmeyras) - 11, Halk (Atletiko Mineyro) - 10.