Braziliya çempionatında 29-cu tur “Botafoqo” üçün ikiqat düşərli oldu. Lider qələbə qazandı, əsas izləyicisi isə iki xal itirdi. Nəticədə liderlə “Palmeyras” arasındakı xal fərqi artdı.

Artur Jorjenin komandası “Atletiko Paranaense” ilə səfər oyununda maksimum nəticə əldə etdi. Rio de janeyrolulara qələbə gətirən yeganə qolu 14-cü dəqiqədə İqor Jezus vurdu. Bu mövsüm zəif komanda təsiri bağışlayan meydan sahiblərinin məğlubiyyətə layiq olmadıqlarını qeyd etməliyik. Paranalılar qapıya 24 zərbə endirdilər, amma bu zərbələrdən yalnız 3-ü dəqiq alındı ki, hər bir halda qapıçı Con qola imkan vermədi. Nəticədə “Botafoqo” liderliyini möhkəmləndirdi.

İndi lider əsas izləyicisini 3 xal qabaqlayır. Ona görə ki, “Palmeyras” büdrədi. Braziliyanın son çempionu əvvəlki 6 matçda qələbələri sıralamışdı. Nəhayət, san paululular “Braqantino” ilə səfər oyununda dayandılar. Abel Ferreyranın komandası qələbə üçün əlindən gələni etsə də, qapıya heç cür yol tapa bilmədi. Qələbə seriyasını 7-yə çatdıra bilməyən “Palmeyras” liderdən 3 xal geri düşdü.

Çempionluğa iddialı “Fortaleza” da büdrədi. Xuan Voyvodanın komandası üçün “Qremio” ilə səfər oyunu uğursuz alındı. “Göy-qırmızılar” liqanın iddialı komandalarından birinə 1:3 hesabıyla məğlub oldular. Buna baxmayaraq, “Fortaleza” 3-cü yerdəki mövqeyini qorudu.

Əvvəlki turda 3 matçlıq qələbəsizliyə son qoyan “Flamenqo” ardıcıl ikinci dəfə azarkeşlərini sevindirdi. Titenin komandası səfərdə “Bayya”nın qapısından iki cavabsız top keçirdi. Bu qələbə “qırmızı-qaralar”ın 4-cü pillədəki mövqeyinə təsir etmədi. Ehtiyatda bir təxirə salınan oyunu olan “Flamenqo” liderdən yenə 9 xal geri qalır.

29-cu tur
Atletiko Paranaense - Botafoqo RJ 0:1
İqor Jezus, 14.
Braqantino - Palmeyras 0:0
Qremio - Fortaleza 3:1
Aravena, 13. Breytveyt, 60. Soteldo, 90+1 - Erkules, 18.
Bayya - Flamenqo 0:2
Ayrton Lukas, 35. Alkaras, 90+12-p.
Kuyaba - San Paulu 2:0
Bruno Alves, 4. Kleyson, 42.
Krisiuma - Atletiko Qoyaniense 2:0
Rodriqo, 42. Fellipe Mateus, 47.
Atletiko Mineyro - Vitoriya 2:2
Vera, 8. Varqas, 45 – Vaqner Leonardo, 64. Alerrandro, 68.
Korintians - İnternasyonal 2:2
Yuri Alberto, 3; 73-p. – Bernabey, 17. Rikardo Matias, 90+4.
Vasku da Qama - Juventude 1:1
Payet, 11 – Edson Karioka, 4.
Fluminense - Kruzeyro 1:0
Aryas, 55.

6-cı turdan təxirə salınan oyun
Atletiko Mineyro - Qremio 2:1
Halk, 11-p. Deyverson, 39 - Aravena, 29.

1. Botafoqo RJ 29 18 6 5 47-25 60
2. Palmeyras 29 17 6 6 46-20 57
3. Fortaleza 29 16 7 6 38-29 55
4. Flamenqo 28 15 6 7 45-32 51
5. San Paulu 29 14 5 10 38-32 47
6. İnternasyonal 28 12 10 6 37-26 46
7. Bayya 29 13 6 10 39-33 45
8. Kruzeyro 29 12 7 10 35-29 43
9. Atletiko Mineyro 28 10 10 8 40- 41 40
10. Vasku da Qama 28 10 7 11 32-38 37
11. Qremio 29 10 5 14 33-37 35
12. Krisiuma 29 9 8 12 36-42 35
13. Braqantino 29 8 10 11 34-38 34
14. Juventude 29 8 10 11 33-39 34
15. Atletiko Paranaense 27 8 7 12 27-31 31
16. Fluminense 28 8 6 14 22-30 30
17. Vitoriya 29 8 5 16 32-44 29
18. Korintians 29 6 11 12 29-38 29
19. Kuyaba 28 6 8 14 25-39 26
20. Atletiko Qoyaniense 29 5 6 18 22-47 21

Bombardirlər: Pedro (Flamenqo) - 11, Halk (Atletiko Mineyro) – 10, Estevao, X.Lopes (hər ikisi “Palmeyras”), Veqetti (Vasku da Qama) - 9.