“Şahdağ Qusar” hansı komandaları özünə rəqib görür? – vitse-prezident və baş məşqçi danışdı

“1-ci liqada iştirak edən qalan 9 komandanın hamısına eyni ciddiyyətlə yanaşırıq və hər birini eyni səviyyədə rəqib sayırıq. Hər oyuna eyni məsuliyyətlə hazırlaşırıq. İstər baş məşqçimiz, istərsə də futbolçularımız olsun, bütün komandalarla bağlı yanaşmamız dəyişməzdi. Çünki hədəfimiz çempionluqdu. Buna görə də hər rəqiblə oyunumuzu çempionluq uğrunda mübarizənin bir hissəsi kimi qiymətləndiririk. Təbii ki, transferlərimiz olacaq. Lakin bu barədə danışmaq hələ tezdi. Hazırda tək məqsədimiz çempionluğa fokuslanmaqdı”.

“Fasiləyə lider kimi yollanmağımız sevindiricidi. Milli fasilədən maksimum yararlanmağa çalışırıq. Çatışmazlıqlarımız üzərində işləyir, bəzi oyun elementlərini daha da təkmilləşdiririk. Qarşıdakı görüşlərə ciddi hazırlaşırıq.

Liqada əsas rəqiblərimizə gəlincə, çempionat hələ yeni başlayıb və birinci pillə uğrunda mübarizə aparan bir neçə komanda var. “Karvan-Yevlax”, MOİK, “Səbail” və “Gəncəbasar” güclü heyətə malik, favorit hesab etdiyimiz komandalardı. Bununla yanaşı, digər rəqibləri də nəzərdən qaçırmaq olmaz. Birinci liqada hər oyuna ciddi hazırlaşmasan, xal itkisi ilə üzləşə bilərsən. Çünki bütün komandalar xeyli güclənib.

Qış fasiləsində yeni transferlərlə heyəti gücləndirməyə gəlincə, hazırda bütün diqqətimizi qarşıdakı oyunlara yönəltmişik. Maksimum çalışacağıq ki, bu görüşlərdə istədiyimiz nəticələri qazanaq. Qış fasiləsi başlayandan sonra transfer məsələsini müzakirə edə bilərik. Hələlik bu barədə düşünmürük. Bütün diqqətimiz qarşıdakı matçlardadı”.