Yığmanın çalışdırıcısı “İmişli”yə gedir? – klub rəsmisi açıqladı
1-ci liqada mübarizə aparan “İmişli” də növbəti baş məşqçi dəyişikliyi reallaşa bilər. Komanda Fərid Namazovun rəhbərliyi altında yüksək pillələrdən uzaq düşərək, 4-cü yerdə qərarlaşıb. Bu da klub rəhbərliyini hərəkətə keçirib. İddialara görə yeni namizəd U-18-in baş məşqçisi Füzuli Məmmədovdu.
Deyilənlər doğrudusa, mütəxəssislə ilkin danışıqlar artıq baş tutub.
Bəs bölgə təmsilçisi Fərid Namazova niyə inananmır? “İmişli”nin İdarə Heyətinin sədri Aqşin Mürsəlovun “Football-plus.az”a açıqlaması:
“Xeyr, belə bir şey yoxdu. Yayılan məlumatlar həqiqəti əks etdirmir. Yolumuza Fərid bəylə davam edirik. İnanırıq ki, uğurlu nəticə əldə edəcək. Hazırda da “Kəpəz”lə kubok oyununa hazırlaşırıq. Növbəti oyunlar bizim üçün çox vacibdi. Ona görə bu haqda heç bir fikir yürütməmişik. Fərid bəy bizi qane edir. Komandasını yeni-yeni formalaşdırır. Çempionat yeni başlayır. Komandamızın yaxşı yerlərdə olacağına inanırıq”.
RÖYANƏ OĞUZ
Digər xəbərlər
