Əsgər Abdullayevlə yolları ayıran "İmişli"nin baş məşqçi postuna hələ də təyinat olmayıb.

Xatırladaq ki, bölgə təmsilçisinin vakant vəzifə üçün namizədləri sırasında "Araz-Naxçıvan"ın sabiq baş məşqçisi Azər Bağırov, hazırda "Qaradağ Lökbatan"ı çalışdıran Azər Həşimov, həmçinin ötən ildən "İmişli"ylə əməkdaşlıq edən gənc mütəxəssis Fərid Namazovun adı var idi.

"Football-plus.az" olaraq, klubun Fərid bəylə anlaşdığını və münasibətlərin tezliklə rəsmiləşəcəyini yazmışdıq. Lakin hələ də məsələylə bağlı soraq yoxdu. Bu üzdən "İmişli"nin icraçı direktoru Aqşin Mürsəlovla əlaqə saxlayıb hadisələrin axarıyla maraqlandıq. Klub rəsmisi saytımıza açıqlamasında rəhbərliyin bayram günləriylə bağlı istirahətdə olduğunu, məsələnin bu üzdən həllini tapmadığını, iyunun axırına qədər yeni baş məşqçiylə müqavilə imzalanacağını bildirdi.

KƏNAN BAHADIR