Kilian Mbappe ilə sabiq klubu arasındakı mübahisəli məsələ ilə bağlı növbəti xəbər yayılıb. PSJ onun borcunu qaytarmalıdı.

Fransa Peşəkar Futbol Liqası (FPFL) paytaxt klubunun keçmiş oyunçusuna olan məvacib və müxtəlif bonuslar üzrə borcun ödənilməsi ilə bağlı verdiyi apellyasiya şikayətini rəd edib. İspaniyada çıxan “AS” qəzetinin yaydığı məlumata görə, ulduz futbolçunun PSJ əleyhinə qaldırdığı iddia əsaslı sayılıb. Başqa sözlə, Fransa klubu indi “Real”da çıxış edən Mbappeyə 55 milyon avro ödəməlidi. Lakin “AS”ın məlumatında parislilərin FPFL-in qərarından yüksək instansiyaya şikayət etməyi planlaşdırdığı da qeyd edilir.

Yeri gəlmişkən, “goal.com” saytı PSJ-nin XXI əsrdəki ən yaxşı futbolçularının siyahısını açıqlayıb. Siyahiya Mbappe başçılıq edir. 2-ci yerə isveçli sabiq hücumçu Zlatan İbrahimoviç, 3-cü yerə isə braziliyalı Neymar layiq bilinib. Diqqəti cəlb edən əsas məqam “10-luq”da argentinalı dünya çempionu Lionel Messinin olmamasıdı. O, 23-cü yerə layiq bilinib. “Goal.com”un versiyasına əsasən XXI əsrdə PSJ-nin ən yaxşı 10 futbolçusunun siyahısını nəzərinizə çatdırırıq:

1. Kilian Mbappe (Fransa)
2. Zlatan İbrahimoviç (İsveç)
3. Neymar (Braziliya)
4. Edinson Kavani (Uruqvay)
5. Tyaqo Silva (Braziliya)
6. Markinyos (Braziliya)
7. Pedro Pauleta (Portuqaliya)
8. Marko Verratti (İtaliya)
9. Anxel Di Mariya (Argentina)
10. Blez Matyuidi (Fransa)