“Ekip” qəzeti Fransada ən çox maaş alan futbolçuların yeni siyahısını dərc edib. Diqqəti daha çox cəlb edən fakt ilk “10-luq”dakı bütün oyunçuların PSJ-də çıxış etməsi ilə bağlıdı.

"Football-plus.az" xəbər verir ki, siyahının ilk pilləsində ayda 6 milyon avro maaş alan hücumçu Kilian Mbappe qərarlaşıb. Onun komanda yoldaşlarından Neymar 3,675 milyon avro ilə 2-ci, Lionel Messi isə 3,375 avro maaşla 3-cü yeri tutur. Fransa çempionatının yüksək liqası olan Liqa 1-də ən çox aylıq maaş (milyon avro ilə) alan 10 futbolçunun siyahısını nəzərinizə çatdırırıq.

1. Kilian Mbappe (PSJ) 6
2. Neymar (PSJ) 3,675
3. Lionel Messi (PSJ) 3,375
4-5. Markinyos (PSJ) 1,2
4-5. Marko Verratti (PSJ) 1,2
6. Əşrəf Hakimi (PSJ) 1,083
7. Canluici Donnarumma (PSJ) 0,916
8. Serxio Ramos (PSJ) 0,791
9. Xuan Bernat (PSJ) 0,73
10. Nordi Mukiele (PSJ) 0,7

Əlavə edək ki, Mbappe klubdan əlavə loyallıq bonusu da alır. “Ekip”in məlumatına görə, PSJ hər mövsüm 24 yaşlı forvarda 60 milyon avro bonus ödəyir. Bir müddət əvvəl Kilianın gələn mövsümün sonunda azad agent kimi “Real”a keçə biləcəyi iddia edilmişdi. Ötən il imzalanan müqaviləyə əsasən, futbolçu bu yay anlaşmanın müddətini uzatma variantını aktivləşdirməsə, 2024-cü ildə PSJ-dən ayrıla bilər. Qeyd edək ki, dünya çempionu bu klubda 2017-ci ildən oynayır.