Fevralın 27-də Parisdə təntənəli mərasim keçiriləcək. Bazar ertəsi FİFA 2022-ci il üçün müxtəlif nominasiyaların qaliblərini mükafatlandıracaq.

Football-plus.az xəbər verir ki, ötən ilin ən yaxşı oyunçusuna çatacaq “The Best” mükafatının qalibinin adı gizli saxlanılır. FİFA bir neçə həftə əvvəl bu nominasiya üzrə yekun namizədlərin Lionel Messi (PSJ, Argentina), Kilian Mbappe (PSJ, Fransa) və Kərim Benzema (“Real”, Fransa) olduğunu açıqlamışdı. İspaniyada çıxan “Mundo Deportivo” qəzetinin məlumatına görə, ali futbol təşkilatı hələ ki, mükafatın sahibi haqda futbolçulara məlumat verməyib. FİFA Messi, Mbappe və Benzemadan mükafatlandırma mərasiminə gəlmələrini istəyib.

Yeri gəlmişkən, 2021-ci ildə “The Best”i “Bavariya”nın hazırda “Barselona”da çıxış edən sabiq hücumçusu Robert Levandovski qazanıb.