Şənbə günü Türkiyə çempionatının 9-cu turunda ''Trabzonspor'' ''İstanbul BŞ''ni qəbul edəcək.

Bu oyun trabzonluların ünlü çalışdırıcısı Şenol Günəş üçün həm də fərqli məna kəsb edəcək. Çünki Günəş məşqçi karyerasında yubiley - 1000-ci oyununa çıxacaq!

72 yaşlı mütəxəssisin komandaları indiyə qədər 999 oyundan 519 qələbə, 245 heç-heçə, 235 məğlubiyyətlə ayrılıb (top fərqi - 1795:1122) ki, bu da orta hesabla hər oyuna 1,8 xal deməkdi. Günəş türkiyəli məşqçilər arasında 1000 oyun həddinə çatan ilk mütəxəssis olacaq. İkinci pillədə 871 oyunla Fatih Terim qərarlaşıb.

İndiyə qədər ''Trabzonspor'', ''Beşiktaş'', ''Bursaspor'', ''Boluspor'', ''İstanbulspor'', ''Antalyaspor'', ''Sakaryaspor'', ''Seul'' və Türkiyə yığmasını çalışdırmış Günəş 6 titul qazanıb. O, ''Beşiktaş''la iki çempionluq, ''Trabzonspor''la isə iki dəfə ölkə kuboku və iki dəfə də ölkə superkubokunu qazanıb.

ƏLİ