Çempionlar Liqasının pley-offunda ''Yanq Boyz''a qarşı ilk oyunda zədələnərək fasilədə əvəzlənənən Fernando Musleranın durumuna aydınlıq gəlib.

Tibbi müayinənin cavabına əsasən təcrübəli əlcək sahibində heç bir ciddi zədə aşkarlanmayıb. Ona görə də uruqvaylı qapıçı cavab oyununda start heyətində meydana çıxacaq. İlk görüşdə buraxdığı hər iki qol epizodunda inamsız təsir bağışlayan 38 yaşlı qapıçının superliqa və avrokubok göstəriciləri arasındakı fərq diqqət çəkir.

2011-dən ''Qalatasaray''da olan və Türkiyə futbolunda ən çox (17) titul qazanan əcnəbi futbolçu statusunda olan Muslera indiyə qədər superliqada 405 oyun keçirib və bunlardan 154-də qapısını toxunulmaz saxlayaraq 390 qol buraxıb. Avrokuboklarda isə 71 oyunun yalnız 14-də qapısını toxunulmaz saxlayaraq 120 qol buraxıb. Yəni o, çempionatda orta hesabla hər oyuna 0,96 qol buraxırsa, avrokuboklarda bu rəqəm 1,69-a bərabərdi! Musleranın cavab oyununda sərgiləyəcəyi performans böyük maraqla gözlənilir.

ƏLİ