Oktyabrın 2-3-də keçirilən oyunlarla Konfrans Liqasının (KL) 2024/25 mövsümünün əsas mərhələsinə start verildi.

İki gündə 18 oyun keçirildi.

Məlum olduğu kimi, artıq avrokuboklarda qrup mərhələsi ləğv olunub və 8 qrupun əvəzinə vahid liqa mərhələsi tətbiq edilib. Komandaların sayı isə 32-dən 36-ya qədər artırılıb. Çempionlar Liqası və Avropa Liqasında bu qədər iştirakçı qrupda olduğu kimi 3 komanda ilə 6 oyun deyil, 8 fərqli rəqiblə 8 oyun keçirəcək. Bu turnirlərdə hər komanda oyunlardan 4-nü evdə, 4-nü səfərdə oynayacaq. Eyni sistem KL-də də tətbiq edilib, lakin bu yarışda komandalar əsas mərhələdə 3-ü evdə, 3-ü səfərdə olmaqla 6 oyun keçirəcəklər. Ümumi turnir cədvəlində 1-8-ci yerləri tutanlar 1/8 finala vəsiqə qazanacaqlar, 9-24-cü yerləri tutan komandalar bu mərhələyə çıxmaq üçün iki matçdan ibarət pley-offda gücünü sınayacaqlar. Əsas mərhələni 25-36-cı yerlərdə başa vuracaq iştirakçılar üçün isə avrokubok mövsümü sona çatacaq.

KL-in 4-cü mövsümünün əsas mərhələsində qitənin 5 aparıcı liqasından 4 komanda iştirak edir. Bunun səbəbi Fransa təmsilçisi “Lans”ın pley-offda iki oyunun nəticəsinə (2:1, 0:2) əsasən “Panatinaikos”a (Yunanıstan) uduzmasıdı. “Böyük beşliy”in vahid liqa mərhələsinə vəsiqə qazanan digər təmsilçiləri ilk turda fərqli nəticələr göstərdilər. Mayın 29-da Yunanıstanın Afina şəhərində keçirilən finalda “Olimpiakos”a minimal hesabla uduzan “Fiorentina” ardıcıl üçüncü dəfə KL-də çıxış edir. İtaliya klubu cümə axşamı evdə “Nyu Seynts”i iki cavabsız qolla məğlub etdi. “Çelsi” İngiltərədə “Gent”ə 4:2, “Haydenhaym” Almaniyada “Olimpiya”ya 2:1 hesabı ilə qalib gəldi. Amma “Betis”in əsas mərhələdəki debütü uğursuz alındı. İspaniya klubu Polşada “Legiya”ya minimal hesabla uduzdu.

İlk turda diqqəti cəlb edən əsas fakt bütün oyunlarda heabın açılması oldu. Ən məhsuldar matç Belçikada baş tutdu. Yerli “Serkl Brügge” – “Sankt Qallen”i 6:2 hesabı ilə darmadağın etdi. İsveçrəlilərlə oyunun qəhrəmanı Denki oldu. Het-trik edən 23 yaşlı toqolu hücumçu oyundaşlarına iki məhsuldar ötürmə də verdi. Başqa sözlə, 5 məhsuldar bal toplayan Kevin AL-in rekordunu təkrarladı. Turnirin bu planda rekordunu ilk dəfə 2021-ci ildə “Bude/Qlimt”in formasını geyən, hazırda isə “Malmö”də çıxış edən 24 yaşlı norveçli Botheym müəyyən edib.

əsas mərhələ, 1-ci tur
Fiorentina (İtaliya) - Nyu Seynts (Uels) 2:0
Adli, 65. Ken, 68.
Fiorentina: Terraçano, Parizi, Biraqi, Moreno, Kayode (Dodo, 58), Adli (Kataldi, 83), Mandraqora (Riçardson, 45+1), İkone, Sottil (Ken, 58), Beltran (Qudmundsson, 58), Kuame.

Çelsi (İngiltərə) - Gent (Belçika) 4:2
Veyqa, 12. Netu, 46. Nkunku, 63. Dyusberi-Holl, 70 – Vatanabe, 50. Qandelman, 90.
Çelsi: Yorgensen, Badyaşil, Adarabioyo, Disasi, Veyqa, Dyusberi-Holl, Kazadei, Mudrik, Feliş, Netu (Corc, 80), Nkunku (Qiyu, 80).

Haydenhaym (Almaniya) - Olimpiya (Sloveniya) 2:1
Bek, 6. Vanner, 83 – Blanko, 77.
Haydenhaym: Müller, Toyerkauf (Ferenbax, 73), Zirsleben, Maynka, Traore, Melouni, Sienza, Dorş (Şeppner, 63), Bek (Vanner, 62), Konte (Kerber, 77), Broyniq (Piringer, 62).

Legiya (Polşa) - Betis (İspaniya) 1:0
Kapuadi, 23.
Betis: Adrian, Perro, Mendi, Natan, Ruibal, Kardoso (Roka, 66), Altimira, Fornals (Diao, 74), Xuanmi (Peres, 58), Çimi Avila (Ezzalzuli, 58), Roke (Bakambyu, 58).

Kopenhagen (Danimarka) - Yagelloniya (Polşa) 1:2
Hatsidiakos, 12 – Pululu, 51. Çurlinov, 90+8.

LASK (Avstriya) - Yurqorden (İsveç) 2:2
Berişa, 26. Fleker, 50 – Priske, 57. Nquen, 65.

İstanbul BŞ (Türkiyə) - Rapid (Avstriya) 1:2
Pyontek, 45+2 – Şaub, 43; 46.

Gimaraynş (Portuqaliya) - Selye (Sloveniya) 3:1
Samu, 7. Q.Silva, 36. T.Silva, 62 – Matko, 90+1.

Molde (Norveç) - Larn (Şimali İrlandiya) 3:0
Eykrem, 51. Brindhilsen, 78. İhler, 90+3.

Omoniya (Cənubi Kipr) - Vikinqur Reykyavik (İslandiya) 4:0
Kulibali, 51. Kakulis, 81; 90. Alium, 86.

Luqano (İsveçrə) - HİK (Finlandiya) 3:0
Papadopulos, 34. Markes, 56. Dos Santos, 90+2.

Astana (Qazaxıstan) - TSÇ (Serbiya) 1:0
Kazukolovas, 15.

Serkl Brügge (Belçika) - Sankt Qallen (İsveçrə) 6:2
Minda, 3. Denki, 25; 43; 54-p. Manye, 53; 61 – Çobot, 58. Mambimbi, 81.

Şemrok Rovers (İrlandiya) - APOEL (Cənubi Kipr) 1:1
Uotts, 90+2 – Layfis, 58.

Dinamo-Minsk (Belarus) - Harts (Şotlandiya) 1:2
Alfred, 21 – Politeviç, 37-öz qapısına. Şenklend, 90+4.

Noy (Ermənistan) - Mlada Boleslav (Çexiya) 2:0
Mateus Ayas, 58. Penson, 76.

Petrokub (Moldova) - Pafos (Cənubi Kipr) 1:4
Lunqu, 26-p. – Joao Korreya, 33; 52. Jaja, 37. Name, 82.

Borats (Bosniya və Hersoqovina) - Panatinaikos (Yunanıstan) 1:1
Despotoviç, 50 – Bakasetas, 11.

Bombardirlər: Denki (Serkl Brügge) - 3, Kakullis (Omoniya), Joao Korreya (Pafos), Manye (Serkl Brügge), Şaub (Rapid) – 2.

Növbəti turun oyunları oktyabrın 24-də keçiriləcək: APOEL – Borats, Yurqorden – Gimaraynş, Sankt Qallen – Fiorentina, Harts – Omoniya, Yagelloniya – Petrokub, Gent – Molde, Larn - Şemrok Rovers, Selye - İstanbul BŞ, Panatinaikos – Çelsi, Rapid – Noy, Mlada Boleslav – Luqano, TSÇ – Legiya, HİK - Dinamo-Minsk, Olimpiya – LASK, Pafos – Haydenhaym, Betis – Kopenhagen, Nyu Seynts – Astana, Vikinqur Reykyavik - Serkl Brügge.