Parisdə yerləşən “Rolan Qarros” tennis kompleksi qarət olunub.

AFP-nin yaydığı xəbərə görə, oğurluq cümə günü baş verib. Bədniyyətlilər kompleksin ərazisinə daxil olaraq bir neçə ofisi darmadağın edib. Onlar 11 min avro nəqd pul və 20 min avro dəyərində olan qiymətli əşyalar oğurlayıb. Fransa Tennis Federasiyası isə polisin hazırda hadisəni araşdırdığını bildirib.

“Rolan Qarros” kompleksi Parisin XVI dairəsində yerləşir. “Böyük dəbilqə” seriyalı ən nüfuzlu turnirlərdən biri məhz onun ərazisində keçirilir.