Kiryos çəkildi, həmvətənləri güzəştli kart aldı
Avstraliyalı tennisçi Nik Kiryosun “Rolan Qarros”dan çəkilməsi rəsmiləşib. Halbuki o, Fransada keçiriləcək turnirə qatılmağı planlaşdırırdı.
"Football-plus.az" xəbər verir ki, “Rolan Qarros”a sonuncu dəfə 2017-də qatılan 28 yaşlı Kiryosun yerini əsas torda yaponiyalı Taro Daniel tutacaq. Nik yanvarda dizindən əməliyyat olunmuş, bu üzdən Avstraliya Açıq Çempionatını da buraxmışdı.
Avstraliyalılar Tanasi Kokkinakis və Kimberli Birrell “Rolan Qarros”a “wild card” əsasında qatılacaq. Onlar Fransa və Avstraliyanın tennis qurumları arasındakı mübadilə proqramı çərçivəsində turnirə dəvət alıb.
Xatırladaq ki, “Rolan Qarros” mayın 22-də start götürəcək və iyunun 11-nə qədər davam edəcək.
