Avropa Liqasının liqa mərhələsinin 2-ci turu çərçivəsində keçiriləcək “Qarabağ” – “Malmö” matçının baş hakimi Anastasios Papapetrudu.

"Football-plus.az" ədalət təmsilçisi haqda ətraflı məlumatı təqdim edir.

2015/16 "futbol ili"ndən bəri FİFA referisi kimi çalışan 39 yaşlı hakim zəngin təcrübəyə malikdi. Yunanıstanlı ölkəsinin premyer-liqasında idarə etdiyi 107 oyunda 443 sarı, 17 qırmızı vərəqə göstərib. Beynəlxalq karyerası isə Çempionlar, Avropa, Konfrans, Millətlər və Gənclər Liqası, yoldaşlıq görüşləri ilə yanaşı, 17, 19 və 21 yaşadək futbolçuların Avropa çempionatındakı sınaqlarını əhatə edir.

Papapetru Azərbaycanın futbol camiəsi üçün yad sima deyil. O, Avropa Liqasının 2018/19 mövsümünün "Neftçi" - "Uypeşt" (3:1), 2022-ci ildə keçirilənn Azərbaycan - Belarus (2:0) və ötən il izlədiyimiz Azərbaycan - Avstriya (0:1) oyunlarında iş başında olub.

Ümumiyyətlə, ədalət təmsilçisi indiyə qədər 213 qarşılaşma idarə edib. Bu matçlarda 813 sarı, 30 qırmızı vərəqə göstərib.

KƏNAN BAHADIR