Avropa Liqasının liqa mərhələsinin 1-ci turunda keçiriləcək “Tottenhem” – “Qarabağ” oyununun baş hakimi Villi Delajodu.

“Football-plus.az”ın məlumatına görə, təcrübəli hakim” 2020-ci ildən FİFA referisi adını daşıyır.

Fransalı ölkəsinin elitasında 110 oyun idarə edib və bu matçlarda 421 sarı, 35 qırmızı vərəqə göstərib. O, daha əvvəl Azərbaycan klublarının oyunlarında da iş başında olub. Belə ki, Delajo Konfrans Liqasının 2021/22 mövsümünün pley-off mərhələsinin “Neftçi” – “Makkabi” (Hayfa, İsrail) (3:3) və Avropa Liqasının 2023/24 mövsümünün 3-cü təsnifat mərhələsinin “Qarabağ” – HİK (Finlandiya) (2:1) oyunlarını idarə edib. Həmin qarşılaşmaları “ağ-qaralar” 1 qırmızı (İsmayıl İbrahimli), 6 sarı vərəqə ilə, “köhlən atlar” isə vərəqə görmədən geridə qoyub. Həmçinin ağdamlılardan Marko Yankoviçin 4-cü dəqiqədə vurduğu qol VAR-ın müdaxiləsindən sonra sayılmayıb.

Ümumiyyətlə, Delajo indiyə qədər 240 matç idarə edib, bu görüşlərdə 918 sarı, 74 qırmızı vərəqə göstərib.

KƏNAN BAHADIR