Bu gün "Sumqayıt" Konfrans Liqasının 2-ci təsnifat mərhələsinin cavab oyununda "Fehervar"ın qonağı olacaq.

Komandalar məqsədə çatsa, tarixi uğurların sayı artacaq ki, bunun üçün vacib olan amillərdən biri də hakimlikdi. Söhbət onun dəstəyindən yox, tam ədalətli qərarlarla yadda qalıb-qalmayacaqlarından gedir. Bəs məhz idarəçilik baxımından rahat ola bilərikmi?

"Football-plus.az"ın ənənəvi hakim təqdimatında bu suala cavab tapmağa çalışacağıq.

Kristoffer Karlsson - o, 2006-cı ildən peşəkar hakim kimi fəaliyyətdədi. 2012-ci ildən ölkəsinin yüksək liqasının oyunlarını idarə edən ədalət təmsilçisi 2018-ci ildən FİFA referi statusuna yiyələnib. “Fit sahibi” İsveç elitasında 249 oyunda meydana çıxıb ki, 919 sarı, 36 qırmızı vərəqəylə yadda qalıb. Karlsson hələ Çempionlar Liqasında debüt etməsə də, Avropa, Konfrans, Millətlər və Gənclər Liqasında təcrübəyə malikdi. Əlbəttə, 17, 19 və 21 yaşadək futbolçuların Avropa çempionatının seçmə mərhələsindəki oyunlarını da siyahıya aid etməliyik. Ümumiyyətlə, FİFA referisi karyerası ərzində 392 oyun idarə edib, 1470 sarı, 67 qırmızı vərəqə göstərib.

KƏNAN BAHADIR