“Mehdi Hüseynzadə”nin qaz poblemini kim həll edəcək? – “Sumqayıt” hərəkətə keçdi
Mehdi Hüseynzadə adına Sumqayıt şəhər stadionunun problemiylə bağlı yazmışıq.
Belə ki, paltardəyişmə otaqlarında yerləşən hamamlarda isti su olmadığına görə 90 dəqiqə top qovan futbolçular soyuq su ilə yuyunmalı olur. Bəs idman qurğusu niyə isti su ila təmin edilmir?
Bu sualla “Sumqayıt” mətbuat xidmətinin rəhbəri Zaur Xudiyevə müraciət etdik. Onun “Football-plus.az”a cavabı:
“Bəli, təəssüf ki, stadiona qazın verilməsində problemlə üzləşmişik. Əslində, bu, klubla bağlı məsələ deyil. Stadionun əvvəldən yığılıb qalan borcu var. Bəzi anlaşmazlıqlar ortaya çıxıb. “Sumqayıt” prosesin birbaşa iştirakçısı deyil. Sadəcə, oyunlarımızı “Mehdi Hüseynzadə”də keçirdiyimiz üçün cərimələr bizə kəsilir. Çalışırıq ki, məsələni aradan qaldıraq. Tərəflərlə müzakirələr davam edir. Ümid edirik ki, yaxın günlərdə problem həll olunacaq”.
Qeyd edək ki, mətbuatda mövzuyla bağlı müxtəlif bilgilər yayılıb. İddialara görə, stadionun 100 min manat borcu var və bu pul Sumqayıt şəhər İcra Hakimiyyəti tərəfindən ödənilməlidi.
KƏNAN BAHADIR
Digər xəbərlər
