"Futbolçular məcburən soyuq su ilə yuyunurlar" - "Sumqayıt" bu üzdən üçüncü dəfə cərimələndi!
AFFA İntizam Komitəsinin dünən keçirilən iclasında "Sumqayıt"la bağlı qərar diqqəti çəkdi.
Belə ki, "kimyaçılar" Əsasnamənin tələblərini pozduğuna görə 500 manat cərimələnib. Görəsən, söhbət konkret hansı qaydaya əməl olunmamasından gedir?
Bu sualla AFFA İntizam Komitəsinin sədri Erkin Hüseynova müraciət etdik. Onun "Football-plus.az"a dedikləri:
"Mehdi Hüseynzadə adına Sumqayıt şəhər stadionunun paltardəyişmə otaqlarında yerləşən hamamlar isti su ilə təmin olunmayıb. Meydandan qan-tər içində çıxan futbolçular məcburən soyuq su ilə yuyunurlar. Məsələ klub üçün ciddi problemə çevrilib. "Sumqayıt" üçüncü dəfədi eyni səbəbdən cərimələnir".
KƏNAN BAHADIR
Digər xəbərlər
