Əsaslı təmirdən sonra Mehdi Hüseynzadə adına Sumqayıt şəhər stadionunun istifadəyə hazır olduğundan xəbəriniz var.

Təmir işləri ötən ilin dekabrında başa çatdırılsa da, arenanın qapıları hələ ki, açılmayıb. Dəfələrlə stadionun direktoru Nadir Quliyevlə əlaqə saxlayıb açılışın nə vaxt olacağını öyrənməyə çalışsaq da, hər dəfə “ölkə başçısının gəlişini gözləyirik” cavabını eşitmişik.

Ancaq bu günlərdə “Football-plus.az” saytına daxil olan məlumata görə açılışın yubanması heç də prezidentin gəlişi ilə əlaqədar deyil.

Əsl səbəb mülk davasıdı. Mənbəmizin sözlərinə inansaq, Gənclər və İdman nazirliyi “Mehdi Hüseynzadə”ni öz balansına keçirmək istəyir. Sumqayıt şəhər icra hakimiyyəti isə mülkiyyət hüququndan istifadə edərək idman qurğusunu heç kimə güzəşt etmək istəmir.

Bir sözlə, icra hakimiyyəti ilə nazirlik arasında “yorğan” davası gedir. Məhz bu üzdən stadionun açılışı ləngiyir.

RƏŞAD