Sentyabrın 7-də Kişinyovda Moldovadan iki cavabsız top buraxan Malta yığması növbəti səfərdən evə maksimum nəticə ilə qayıtdı.

Andorranı minimal hesabla məğlub edən adalılar rəsmi turnirlərdə iki ildən sonra qələbə qazandılar. Malta 2022-ci ilin iyununda San Marinonu 2:0 hesabıyla məğlub etmişdi. Andorra üzərində qələbə adalılara moldovalılarla xallarını bərabərləşdirmək imkanı yaratdı.

D liqası, 2-ci qrup
Andorra – Malta 0:1 (0:1)
Andorra: Alvares, M.Vales, San Nikolas (İskyerdo, 81), Rubio (Alaes, 64), Lyovera, Servos, Gilyen (Teyşeyra, 35), Olivera, Borra (Kuku, 64), E.Vales (K.Qarsiya, 81), Rosas.
Malta: Bonello, Z.Muskat, Şou, Borq, Kamenzuli, Teuma (Yankam, 90+4), Qiyomye, Montebello (Rid, 60), Nvoko (P.Mbonq, 68), C.Mbonq, Lonardelli.
Qol: Kamenzuli, 45.
Vərəqələr: Gilyen, 7. Alaes, 68. Rosas, 83. Lonardelli, 90+2 - sarı.
Hakim: Məhəmməd Əl Hakim (İsveç).
10 sentyabr. Andorra la Velya. 812 tamaşaçı.

1. Moldova 1 1 0 0 2-0 3
2. Malta 2 1 0 1 1-2 3
3. Andorra 1 0 0 1 0-1 0

10 oktyabr: Moldova - Andorra.

Bombardirlər: Şeşko (Sloveniya) - 4, Aktürkoğlu (Türkiyə), Dyökereş, İsak (hər ikisi İsveç), Marin (Rumıniya), Yannidis (Yunanıstan) - 3.