Şənbə günü Türkiyə çempionatının 5-ci turu çərçivəsində ''Qalatasaray'' ''Çaykur Rizəspor''u qəbul etdi.

"Football-plus.az" xəbər verir ki, İstanbul nəhəngi ardıcıl 2-ci turda fanatlarını böyük hesablı qələbə ilə sevindirdi. Okan Burukun komandası ötən tur səfərdə ''Adana Dəmirspor''u 5:1 hesabı ilə darmadağın etmişdisə, bu dəfə rəqibini 5 cavabsız qolla məğlub etdi.

Zədəli İkardinin yoxluğunda gözlənildiyi kimi yeni hay-küylü transfer Osimhen start heyətində meydana çıxdı. Nigeriyalı forvard qol hesabını aça bilməsə də, aktivinə məhsuldar ötürmə yazdı. Qolları Sançes, Əbdülkərim Bardakcı, Sara, Mertens və Barış Alpər Yılmaz vurdu.

''Qalatasaray''ın ardıcıl 2 tur ən azı 5 qol vurmasına sonuncu dəfə 2018-in fevral-martında rast gəlinmişdi.

Qeyd edək ki, komandanın bir oyunu təxirə salındığından ''Cim-Bom'' yalnız 4-cü oyununu keçirdi və yoluna itkisiz davam edir. Okan Buruk klub tarixində mövsümün ilk 4 çempionat oyunundan qələbə ilə ayrılan 4-cü yerli məşqçi oldu. Daha öncə bunu Fatih Terim (1998/99), Mustafa Dənizli (1987/88) və Gündüz Kılıç (1960/61, 1961/62) bacarmışdı.

ƏLİ