İnamla turnir cədvəlinə başçılıq edən ''Qalatasaray'' dünən 29-cu turda ''Kayserispor''u darmadağın etdi.

"Football-plus.az" xəbər verir ki, Mauro İkardinin het-trik etdiyi qarşılaşmada İstanbul nəhəngi bütün ikinci hissəni azlıqda oynayan rəqibini 6 cavabsız qolla yendi.

Bununla da ''sarı-qırmızılar''ın çalışdırıcısı Okan Buruk daha bir diqqətçəkən göstəriciyə nail oldu. Bilindiyi kimi ''Qalatasaray'' bu mövsüm superliqada ardıcıl 14 qələbə qazanmaqla turnirin tarixində bir ilkə imza atmışdı. ''Kayserispor''u məğlub etməklə ''Aslan'' çempionatda öz meydanında ardıcıl 10-cu qələbəsini qazandı.

Okan Buruk Coşqun Özarının göstəricisini təkrarlayaraq klubun başında Türkiyə çempionatında evdə ən azı 10 oyunluq qələbə seriyası yaxalayan cəmi 4-cü məşqçi oldu.

İndi Buruk yalnız 2 məşqçidən geri qalır. ''Qalatasaray'' evdə 1999/00-də Fatih Terimlə ardıcıl 11, 1960/61-də isə Gündüz Kılıçla ardıcıl 12 oyunda qalib gəlib. Onu da bildirək ki, ''Aslan'' bu mövsüm superliqada 27 oyuna 21-ci qələbəsini qazanaraq bu göstəricidə rekordunu tekrarladı. Komanda daha öncə 1999/00-də 27 oyuna 21 qələbə qazanmışdı.