Türkiyə çempionatında 2-ci tura start verildi.
ki
Açılış oyununda ''Qalatasaray'' ''Konyaspor''un qonağı oldu. İstanbul nəhəngi ötən mövsümün son turunda məhz Konyada 3:1-lik qələbə qazanmaqla çempionluğu rəsmiləşdirmişdi.

''Cim-Bom'' üçün bu səfər yenə uğurlu alındı. İlk hissə Kərəm Aktürkoğlu və Oğulcan Ülgünün qarşılıqlı qolları ilə 1:1 hesabı ilə yekunlaşdı. 59-cu dəqiqədə fərqlənən Barış Alpər Yılmaz həm komandasına qələbə qazandırdı, həm də yekun nəticəni müəyyənləşdirdi. ''Qalatasaray'' son iki mövsümdə çempion olmasına baxmayaraq bu müddətdə ilk iki turu maksimum nəticə ilə tamamlaya bilməmişdi. Yəni komanda Okan Burukun dönəmində ilk dəfə ilk iki turu itkisiz başa vurdu.

Onu da bildirək ki, oyun Okan Buruk üçün əlamətdar oldu. 50 yaşlı mütəxəssis İstanbul nəhənginin başında yubiley - 100-cü rəsmi oyununu keçirdi! Komanda bu 100 oyundan 77 qələbə, 10 heç-heçə, 13 məğlubiyyətlə ayrılıb (top fərqi - 230:94). ''Qalatasaray'' indiyə qədər bu məşqçi ilə 2 çempionluq, 1 superkubok olmaqla 3 titul qazanıb.

ƏLİ