Mahir bu gün Almaniyada debüt edəcək? - baş məşqçisi cavabladı
Millimizin üzvü Mahir Emrelinin çıxış etdiyi Almaniya "Nürnberq"i bu gün 2-ci bundesliqanın 5-ci turunda "Ulm"un qonağı olacaq.
"Football-plus.az" xəbər verir ki, komandanın baş məşqçisi Miroslav Kloze matçdan əvvəl jurnalistlərin suallarını cavablayıb. Mütəxəssis Emrelinin durumu haqda danışıb:
"Hücumlarımızın yüksək səviyyədə olmadığını bilirəm. Gah irəliləyə, gah da bitirici zərbə endirə bilmirik. Zədəli hücumçular tam sağalandan sonra bu çatışmazlıq aradan qalxacaq. Görünür, gözləmək lazımdı. Emrelinin zədəsi düşündüyümüzdən daha ciddi idi. Yenə də özünü yaxşı hiss edir. Onun "Ulm"lə matçda meydana buraxılacağını istisna etmirəm. Həkimlərin rəyindən asılıdı".
Qeyd edək ki, "Nürnberq" 4 xalla turnir cədvəlinin 13-cü pilləsində qərarlaşıb.
KƏNAN BAHADIR
Digər xəbərlər
