“Biz hələ Mahirin oyununu izləməmişik. Amma Kloze hücumçu haqda çılğın düşüncələrə sahibdi...
Azərbaycanlı futbolçu bazar ertəsi Almaniyaya gəldi və yeni klubuyla müqavilə imzaladı. Sonra onu komanda yoldaşlarıyla tanış etdilər. Mahirin nəyə qadir olduğunu nə vaxt görəcəyimiz bəlli deyil. Hücumçunun diz bağlarındakı zədənin bərpa müddəti haqda məlumat yoxdu. “Nürnberq” rəsmiləri tezliklə onu meydanda görmək istəyir. Onların fikrincə, zədəli olmasaydı, Mahiri transfer etmək çox çətin olacaqdı. “Dinamo” onu buraxmaq fikrində deyilmiş. Emreli beynəlxalq klub turnirlərində 70-dən çox oyun keçirib, 12 qol vurub. Bu üzdən Klozenin belə danışması təəccüblü deyil: “Mahir “Nürnberq”ə fərqlilik gətirəcək. O, komandamda mövcud olmayan bəzi keyfiyyətlərə malikdi. İndiyə qədər ciddi liqalarda çıxış edib. Emreli 2-ci bundesliqanın ab-havasına tab gətirəcək gücə sahibdi. Onu əzmkarlıq və xarakter baxımından Robin Knoşla (Almaniya millisinin sabiq müdafiəçisi və “Nürnberq”in üzvü) müqayisə edərdim”. “Nürnberq”dən səslənən fikirlər klubun “kral transfer” etdiyini düşündürür. Uğurlu olub-olmayacağı isə tezliklə anlaşılacaq”.