Türkiyə çempionatında məşqçi istefası reallaşıb.

Mövsümə uğursuz start verən və ilk 4 turdan 1 heç-heçə, 3 məğlubiyyətlə ayrılaraq 1 xal toplayan ''Hatayspor'' Özhan Pulat ilə yollarını ayırıb.

Bu mütəxəssis Hatay təmsilçisinin başına ötən mövsümün sonuna 4 tur qalmış Volkan Dəmirəlin istefasından sonra keçmişdi. O, qarşıya qoyulan hədəfə çataraq komandanı elitada saxlamağı bacarmışdı.''Hatayspor'' Pulatın dönəmində keçirdiyi 8 oyundan 2 qələbə, 2 heç-heçə, 3 məğlubiyyətlə ayrılmış oldu.

Bu arada Türkiyə mətbuatının iddiasına görə yeni məşqçinin adı artıq bəllidi. Bu, təcrübəli Rza Çalımbaydı. Ən son ötən mövsümün gedişində qısa müddət ''Beşiktaş''ı çalışdıran 61 yaşlı çalışdırıcı 2023-ün dekabrından bu yana işsizdi.

Qeyd edək ki, Çalımbay 639 oyunla Türkiyə çempionatı tarixində ən çox oyuna çıxan məşqçidi.

ƏLİ