Dünən Türkiyə çempionatında 6-cı turun son oyununda sürpriz nəticə qeydə alındı.

“Football-plus.az” xəbər verir ki, “Trabzonspor'' ''Hatayspor''a qarşı səfər oyununda 72-ci dəqiqəyə qədər 2:0 öndə olsa da, sonda qələbə bir yana, heç bir xal da qazana bilmədi. Meydan sahibləri qalan qısa müddət ərzində 3 qol vuraraq möcüzəvi bir geridönüş reallaşdırdılar. Elitada 4-cü mövsümünü keçirən Hatay təmsilçisi ilk dəfə ilk 6 turu məğlubiyyətsiz başa vurdu (2 qələbə, 4 heç-heçə). ''Trabzonspor''un sonuncu dəfə superliqada səfər matçında 2 topluq üstünlük yaxaladıqdan sonra məğlub olması isə 2016-nın yanvarında ''Bursaspor''la oyunda (2:4) baş vermişdi. Ən əsası hataylıların çalışdırıcısı Volkan Dəmirəlin trabzonlulara qarşı mükəmməl seriyası davam etmiş oldu. Belə ki, Volkan Dəmirəl həm futbolçu, həm də baş məşqçi kimi ''Trabzonspor''a qarşı Türkiyə çempionatında keçirdiyi 27-ci oyunda da məğlubiyyət acısı yaşamadı (16 qələbə, 11 heç-heçə)! Bu oyunlardan 24-ü onun futbolçu, 3-ü isə məşqçi karyerasına təsadüf edir.

ƏLİ