Argentina çempionatının 11-ci turuna turnir cədvəlinin ilk 4 pilləsində başlayan bütün komandalar qələbə qazanmışdılar.

Maraqlıdı ki, bu dəfə fərqli mənzərə ortaya çıxdı: tura ilk “3-lük”də start verənlər qələbəyə həsrət qaldılar. Nəticədə vahid liderliyi itirən “Atletiko Urakan” “Veles Sarsfild”in özünə yaxınlaşmasına şərait yaratdı.
Liderin tura 20-ci yerdə başlayan “Arxentinos Xuniors”a qarşı oyunu heç də asan keçmədi. “Atletiko Urakan” yenə arxa xətdə inamlı oyunu ilə yadda qaldı. Lakin hesabı açmaq Frank Kudelkanın komandasına müyəssər olmadı. Meydan sahiblərinin çempionluğa oynayan rəqibə qarşı cəsarətli futbol sərgilədiyini qeyd edək. “Atletiko Urakan” qolsuz heç-heçə ilə məğlubiyyətsiz seriyasını davam etdirdi. Amma iki xal itkisi “qırmızı-ağlar”a vahid liderliyi itirmək bahasına başa gəldi.

“Atletiko Urakan”ın əsas izləyicisi olan və liderdən bir xal geri qalan hər iki komanda da qələbə qazana bilmədi. “Union” gözlənilmədən səfərdə “Tiqre”yə rüsvayçı hesabla uduzdu. 1:5 hesablı darmadağın santa feliləri 2-ci yerdən 4-ə saldı.

Tura 3-cü yerlərdə başlayan “Atletiko Tukuman” isə səfərdə “Rosario Sentral”dan buraxdığı bir qola cavab verə bilmədi. Çempionatda ardıcıl 5 qələbədən sonra uduzan Fakundo Savanın komandasının mövqeyini qoruduğunu da qeyd edək.

4-cü yerdə olan “Veles Sarsfild” özündən yuxarıdakı rəqiblərinin büdrəməsindən maksimum yararlandı. “Barrakas Sentral”ın qapısından 5 cavabsız top keçirən Qustavo Kinterosun komandası liderliyə şərik oldu. Paytaxt klubunun topların daha yaxşı fərqinə əsasən bu mövsüm ilk dəfə 1-ci yerə yüksəldiyini də bildirək.

“River Pleyt”də baş məşqçi dəyişikliyi hələ ki müsbət nəticə vermir. Argentinanın son çempionunu uğursuz starta görə tərk edən Martin Demiçelisin yerinə təyinat alan Marselo Qalyardonun 2014-22-ci illərdə çalışdırdığı komanda yenə rəqibi ilə “sülh bağladı”. “Milyonçular” bu dəfə evdə “Nyuellz Old Boyz” ilə qolsuzluğa razılaşdılar. Ardıcıl dördüncü heç-heçə “River”in 9-cu yerdən 11-ə düşməsini qaçılmaz etdi.
Ölkənin digər nəhənginin vəziyyəti çempionunkundan fərqlənmir. “Boka Xuniors” səfərdə “Estudiantes” ilə 1:1 hesabına razılaşdı. Dieqo Martinesin komandası son 4 oyunda 3-cü heç-heçə ilə 8-ci yerdə qaldı.

12-ci tur
Arxentinos Xuniors - Atletiko Urakan 0:0
Tiqre - Union 5:1
Monson, 16; 45+1; 75. Armoa, 47. Maroni, 48 - Orsini, 51.
Rosario Sentral - Atletiko Tukuman 1:0
X.Ximenes, 84.
Barrakas Sentral - Veles Sarsfild 0:5
B.Romero, 25. Pitsini, 49. Akino, 67-p. Santos, 74. T.Fernandes, 79.
Rasinq - İndependyente 0:0
San Lorenso - Talyeres de Kordoba 2:0
Kuelyo, 36. İrala, 77.
İnstituto - Defensa y Xustisiya 4:1
F.Suares, 9. Q.Rodriges, 11. Rekuena, 37. Russo, 86 – Alanis, 6.
Estudiantes - Boka Xuniors 1:1
Setre, 80 - M.Ximenes, 52.
River Pleyt - Nyuellz Old Boyz 0:0
İndependyente Rivadaviya - Platense 0:2
Pelleqrino, 9. R.Martines, 87.
Deportivo Riestra - Sarmyento 2:1
B.Sançes, 40. Errera, 82 – Qo, 11.
Lanus - Qodoy Krus 1:1
Bou, 21 – Abreqo, 81.
Sentral Kordoba - Banfild 0:0
Belqrano - Ximnasiya 0:1
Kastro, 89.

1. Veles Sarsfild 12 7 3 2 22-8 24
2. Atletiko Urakan 12 6 6 0 12-4 24
3. Atletiko Tukuman 12 6 4 2 13-8 22
4. Union 12 6 4 2 14-10 22
5. Rasinq 12 6 3 3 18-9 21
6. İnstituto 12 6 3 3 17-9 21
7. Talyeres de Kordoba 12 5 5 2 17-14 20
8. Boka Xuniors 12 4 6 2 16-11 18
9. Rosario Sentral 12 5 3 4 14-11 18
10. Deportivo Riestra 12 6 0 6 14-15 18
11. River Pleyt 12 4 5 3 15-10 17
12. Ximnasiya 12 5 2 5 14-13 17
13. Lanus 12 4 5 3 17-18 17
14. Estudiantes 12 4 4 4 14-12 16
15. Qodoy Krus (-3) 11 4 4 3 12-10 16
16. Belqrano 12 4 4 4 14-16 16
17. Platense 12 4 3 5 10-11 15
18. İndependyente Rivadaviya 12 4 3 5 8-9 15
19. İndependyente 12 3 6 3 8-9 15
20. Arxentinos Xuniors 12 4 2 6 8-15 14
21. Sarmyento 12 3 4 5 9-11 13
22. Tiqre 12 3 4 5 15-18 13
23. Nyuellz Old Boyz 12 3 3 6 6-12 12
24. Banfild 12 2 5 5 9-15 11
25. San Lorenso 11 2 4 5 9-11 10
26. Defensa y Xustisiya 12 1 5 6 9-21 8
27. Barrakas Sentral 12 1 5 6 5-17 8
28. Sentral Kordoba 12 1 3 8 10-22 6

Bombardirlər: Akino (Veles Sarsfild), M.Ximenes (Boka Xuniors) – 7, Bartissiotto (Talyeres de Kordoba), Borxa (River Pleyt) – 6.