Argentina Liqa Kubokunda (LK) 7-ci turun oyunları, belə desək, sülh şəraitində keçdi: 14 oyundan 9-u heç-heçə nəticələndi. 6 matçda hesab açlmadı, 3 oyun isə 1:1 hesabı ilə nəticələndi.

"Football-plus.az" xəbər verir ki, əsas diqqətlər Argentinanın bir nömrəli derbisinə yönəlmişdi. Ölkə nəhəngləri 260-cı “Superklasiko”da qarşılaşdılar. Derbi ərəfəsində son çempion “River Pleyt”lə “Boka Xuniors” arasındakı fərq aşkar görünürdü. “River” A qrupunda 4-cü, “Boka” isə B qrupunda 9-cu yerdə idi. Amma bu da var ki, əzəli rəqabətdə komandaların cədvəlin hansı pilləsində mövqe tutması o qədər də əhəmiyyət daşımır. Başqa sözlə, “Boka” öz meydanında cari mövsümün uğursuzluqlarının acığını “River”dən çıxa bilərdi. Mariano Erronun komandasının derbiyə köklənmə ilə bağlı problemi ola bilməzdi. Amma “Bombonera”dakı matç qonaqların üstünlüyü şəraitində keçdi. Martin Demiçelisin komandası rəqibi əksər oyun komponentlərində üstələdi. Nəticə isə oyuna görə oldu. Derbi hər hissənin sonunda bir qol vuran “River Pleyt”in prinsipial qələbəsi ilə nəticələndi. Demiçelisin komandası vacib qələbə ilə A qrupunda 2-ci yerə çıxdı. “River Pleyt” əzəli rəqabətdə 86-cı qələbəsini qazandı. “Boka Xuniors”un derbidən 91 dəfə qalib ayrıldığını və 83 matçın heç-heçə nəticələndiyini də qeyd edək. Məğlubiyyət “Boka”nı B qrupunda 11-ci yerə saldı.

A qrupunda tura hərəyə 12 xal toplamaqla şərikli liderlər kimi başlayan hər iki komanda rəqibi ilə heç-heçəyə razılaşdı. “Atletiko Urakan” səfərdə “San Lorenso” ilə 1:1 hesablı “sülh”ə nail oldu. Halbuki Dieqo Martinesin komandası qələbəni 90+8-ci dəqiqədə penaltidən vurulan qolla əldən verdi. “Kolon” isə evdə “Union” ilə qolsuz heç-heçə oynadı. İki xal itkisi “Atletiko Urakan” və “Kolon”a hərəyə iki pillə geriləmək bahasına başa gəldi. Qrupda liderliyə isə “İndependyente” yüksəldi. Karlos Tevesin çalışdırdığı komanda səfərdə “Rasinq”in qapısından iki cavabsız top keçirdi.

Məğlubiyyətə baxmayaraq, B qrupunda yarışan “Rasinq” liderliyi itirmədi. Səfərdə “Talyeres de Kordoba” ilə qolsuz heç-heçəyə nail olan “Belqrano” da 2-ci yerdəki mövqeyini qorudu. “Sarmyento” və “Sentral Kordoba” hərəyə 10 xalla 3-4-cü yerləri bölüşürlər.

qrup mərhələsi, 7-ci tur
San Lorenso - Atletiko Urakan 1:1
Bareyro, 90+8-p. – Pussetto, 61.
Kolon - Union 0:0
Rasinq - İndependyente 0:2
Kanelo, 4. B.Martines, 86-p.
Boka Xuniors - River Pleyt 0:2
Rondon, 41. E.Dias, 90+6.
Talyeres de Kordoba - Belqrano 0:0
Tiqre - Veles Sarsfild 0:0
Arsenal - Defensa y Xustisiya 1:0
Sexas, 45+8-p.
Rosario Sentral - Nyuellz Old Boyz 1:0
Malkorra, 86.
Banfild - Lanus 1:0
Bisans, 38.
Estudiantes - Ximnasiya 0:0
Barrakas Sentral - Sarmyento 0:0
X.Dias, 3 - Maynero, 10.
Qodoy Krus - İnstituto 1:1
Alyende, 56 – Asevedo, 28.
Platense - Arxentinos Xuniors 0:0
Atletiko Tukuman - Sentral Kordoba 0:0
A qrupu
1. İndependyente 7 4 2 1 8-4 14
2. River Pleyt 7 4 1 2 14-8 13
3. Atletiko Urakan 7 4 1 2 11-5 13
4. Kolon 7 4 1 2 10-7 13
5. Talyeres de Kordoba 7 3 2 2 10-6 11
6. Arxentinos Xuniors 7 3 2 2 12-11 11
7. İnstituto 7 2 4 1 5-3 10
8. Banfild 7 3 1 3 6-5 10
9. Atletiko Tukuman 7 2 4 1 4-3 10
10. Veles Sarsfild 7 3 1 3 7-8 10
11. Rosario Sentral 7 2 2 3 6-8 8
12. Ximnasiya 7 2 1 4 5-11 7
13. Barrakas Sentral 7 2 1 4 5-13 7
14. Arsenal 7 2 0 5 7-11 6
B qrupu
1. Rasinq 7 3 3 1 9-8 12
2. Belqrano 7 2 5 0 8-4 11
3. Sarmyento 7 2 4 1 5-3 10
4. Sentral Kordoba 7 3 1 3 6-9 10
5. Defensa y Xustisiya 7 2 3 2 7-6 9
6. Qodoy Krus 7 1 6 0 7-6 9
7. San Lorenso 7 1 6 0 6-5 9
8. Union 7 1 5 1 6-5 8
9. Nyuellz Old Boyz 7 2 2 3 6-6 8
10. Platense 7 2 2 3 6-10 8
11. Boka Xuniors 7 2 1 4 7-7 7
12. Estudiantes 7 1 3 3 4-7 6
13. Tiqre 7 1 3 3 2-6 6
14. Lanus 7 0 3 4 4-8 3
Bombardirlər: Kokkaro (Atletiko Urakan), Qondou (Arxentinos Xuniors) - 6, Bareyro (San Lorenso) - 5, Morales (Union), Passerini (Belqrano) - 4.