Argentina çempionatında keçirilən 8-9-cu turların oyunları liderlər qrupunda qismən dəyişikliyə səbəb oldu. “Atletiko Urakan”ın liderliyi qoruduğunu bəribaşdan qeyd edək.

Tura 1-ci yerdə başlayan Frank Kudelkanın komandası əvvəlcə səfərdə “Rosario Sentral”ı minimal hesabla üstələdi. Amma paytaxt təmsilçisi növbəti oyunda evdə “Rasinq”dən yalnız bir xal ala bildi. İki oyuna qazanılan 4 xal “Atletiko Urakan”a mövqeyini qorumaq imkanı verdi.

Tura hərəyə 14 xal toplamaqla 2-3-cü yerlərdə başlayan komandalar fərqli nəticələr göstərdilər. “Union” səfərdə “Rasinq”ə 1:2 hesabı ilə uduzdu. Santa felilərin evə xalsız dönməsindən sonra “Atletiko Urakan” çempionatda məğlubiyyət üzü görməyən yeganə komandaya çevridi. “Union”un “River Pleyt” ilə ev oyununda isə hesab açılmadı. 2-ci yerdə qalan Kristian Qonsalesin çalışdırdığı komanda əvvəlki kimi liderdən bir xal az toplayıb.

“Talyeres de Kordoba” son iki turda eyni nəticəni göstərdi və hesabına 2 xal yaza bildi. Son mövsümün vitse-çempionu olan kordobalılar səfərdə “Banfild”, evdə isə “İnstituto” ilə oyunlarda 1:1 hesabına razılaşmaqla 3-cü yerdən 5-ə düşdülər.

Onları turnir cədvəlində qabaqlayan komandalardan biri “Rasinq” oldu. Avelyadelalılar evdə “Union”un məğlubiyyətsiz seriyasını qırandan sonra səfərdə “Atletiko Urakan”dan bir xal almaqla 4-cü yerdən 3-ə qalxdılar. İndi “Veles Sarsfild”in də hesabında 17 xal var. Qustavo Kinterosun komandasının çempionatın son 4 matçında maksimum nəticə göstərdiyini xüsusi vurğulayaq.

Bu mövsüm özünə heç bənzəməyən “River Pleyt”də məşqçi dəyişikliyinin zərurətə çevrildiyini xəbər vermişdik. Argentinanın son çempionunun çempionatın 3-7-ci turlarında keçirdiyi 5 oyundan 3-də məğlub olmasından sonra Martin Demiçelisin postundan ayrılacağı rəsmən bəyan edilmişdi. Komandaya 2022-ci ilin dekabrında təyinat alan 43 yaşlı mütəxəssisin paytaxt klubunu “Sarmyento” ilə matçdan sonra tərk edəcəyi məlum olmuşdu. “River Pleyt” 8-ci turun ev oyununda çətinliklə də olsa qalib gəldi. 16 yaşlı istedad Mastantuononun vurduğu yeganə qol Demiçelisin “River Pleyt”dən qələbə ilə gedişini təmin etdi. “Milyonçula”ı artıq nəticəsini qeyd etdiyimiz “Union” ilə növbəti matça 52 yaşlı məşqçi Marselo Eskudero çıxardı. İki oyuna 4 xal qazanan “River” 14 xalla 11-ci yerdədi...

Ölkənin digər nəhənginin vəziyyəti də ürəkaçan deyil. Səfərdə “İnstituto”dan xal alan (0:0) “Boka Xuniors” evdə “Barrakas Sentral” ilə də “sülh bağladı” - 1:1. Dieqo Martinesin komandası daha əvvəl 7-ci turdan təxirə salınan oyunda “Banfild”in qapısından üç cavabsız top keçirmək hesabına xalını 13-ə yüksəltdi. Bu nəticələr “Boka”nın 19-cu yerdən 13-ə çıxmasına şərait yaratdı.

7-ci turdan təxirə salınan oyunlar
Union – Rosario Sentral 1:0
Pitton, 70.
Boka Xuniors – Banfild 3:0
Kavani, 22. Merentyel, 56. Saralegi, 90+5.

8-ci tur
Rosario Sentral - Atletiko Urakan 0:1
Matsantti, 30.
Rasinq - Union 2:1
S.Sosa, 10. Almendra, 73 – Morales, 72.
Banfild - Talyeres de Kordoba 1:1
Sorayre, 12 – Benavides, 38.
İnstituto - Boka Xuniors 0:0
River Pleyt - Sarmyento 1:0
Mastantuono, 87.
Arxentinos Xuniors - Lanus 2:0
M.Romero, 53. A.Rodriges, 57.
İndependyente Rivadaviya – İndependyente 1:0
S.Vilya, 20.
Estudiantes - Ximnasiya 4:1
Askasibar, 46. Karrilyo, 51; 63. X.Sosa, 90+6-p. – Salasar, 87.
San Lorenso - Nyuellz Old Boyz 1:1
Blanko, 80 – İ.Ramires, 5.
Barrakas Sentral - Atletiko Tukuman 0:2
L.Rodriges, 5. Perutsi, 90.
Defensa y Xustisiya - Platense 1:3
Osorio, 77 – Pelleqrino, 34; 53. Maynero, 70.
Sentral Kordoba - Veles Sarsfild 0:2
T.Fernandes, 44. Santos, 90+1.
B.Romero, 22. Pitsini, 72.
Tiqre - Deportivo Riestra 2:1
Orteqa, 27. E.Ramires, 79 - Alonso, 2.
Belqrano - Qodoy Krus 1:0
Barinaqa, 34.

9-cu tur
Atletiko Urakan – Rasinq 0:0
Union – River Pleyt 0:0
Talyeres de Kordoba – İnstituto 1:1
Bartissiotto, 31 – Franko, 64.
Nyuellz Old Boyz - Estudiantes 1:4
T.Peres, 6 – Karrilyo, 13; 47. Pyatti, 34; 55.
Qodoy Krus - Arxentinos Xuniors 1:0
E.Rodriges, 45+1-p.
Boka Xuniors - Barrakas Sentral 1:1
M.Ximenes, 37 – Salasar, 7.
Veles Sarsfild - Defensa y Xustisiya 3:0
T.Fernandes, 22. Akino, 55; 59.
İndependyente - San Lorenso 0:0
Sarmyento – Belqrano 0:0
Lanus – Tiqre 3:2
Salvio, 56; 69. Bou, 90 – Karrera, 37-öz qapısına. Monson, 73.
Atletiko Tukuman – İndependyente Rivadaviya 2:1
Ferrari, 49; 54 – Fernando Romero, 12.
“Deportivo Riestra” – “Sentral Kordoba”, “Ximnasiya” – “Rosario Sentral” və “Platense” – “Banfild” oyunları gec başa çatıb.

1. Atletiko Urakan 9 5 4 0 10-3 19
2. Union 9 5 3 1 9-4 18
3. Rasinq 9 5 2 2 17-8 17
4. Veles Sarsfild 9 5 2 2 14-6 17
5. Talyeres de Kordoba 9 4 4 1 14-10 16
6. Atletiko Tukuman 9 4 4 1 10-7 16
7. Estudiantes 9 4 3 2 13-7 15
8. İnstituto 9 4 3 2 11-7 15
9. Lanus 9 4 3 2 14-13 15
10. Belqrano 9 4 3 2 13-13 15
11. River Pleyt 9 4 2 3 13-8 14
12. İndependyente Rivadaviya 9 4 2 3 6-4 14
13. Boka Xuniors 9 3 4 2 11-7 13
14. Arxentinos Xuniors 9 4 0 5 8-12 12
15. Platense 8 3 2 3 8-8 11
16. Sarmyento 9 3 2 4 8-9 11
17. Nyuellz Old Boyz 9 3 2 4 6-10 11
18. Ximnasiya 8 3 1 4 11-11 10
19. Rosario Sentral 8 2 3 3 11-10 9
20. Deportivo Riestra 8 3 0 5 7-9 9
21. Tiqre 9 2 3 4 10-15 9
22. İndependyente 9 1 5 3 5-9 8
23. San Lorenso 8 1 4 3 5-7 7
24. Qodoy Krus (-3) 8 2 3 3 5-8 6
25. Banfild 8 1 3 4 6-12 6
26. Barrakas Sentral 9 1 3 5 4-11 6
27. Defensa y Xustisiya 9 0 5 4 7-15 5
28. Sentral Kordoba 8 0 1 7 7-20 1

Bombardirlər: Borxa (River Pleyt) - 6, Akino (Veles Sarsfild), Bartissiotto (Talyeres de Kordoba), M.Ximenes (Boka Xuniors), Pussetto (Atletiko Urakan), S.Rodriges (İnstituto), Xara (Belqrano) - 5.