Argentina Liqa Kubokunda (LK) 7-ci turun oyunları, belə desək, “sülh” şəraitində keçmişdi: 14 oyundan 9-u heç-heçə nəticələnmişdi. Bu dəfə isə əksinə oldu: 14 matçdan yalnız 3-də qalib müəyyənləşmədi.

"Football-plus.az" xəbər verir ki, A qrupunda 8-ci tura lider kimi başlayan “İndependyente” səfərdə “Arxentinos Xuniors”la qolsuz “sülh”ə razılaşdı. Karlos Tevesin çalışdırdığı komanda iki xal itkisinə görə liderliyi əldən verdi.

Bundan isə “River Pleyt” yararlandı. Əvvəlki turun “Superklasiko” adlanan matçında əzəli rəqibi “Boka Xuniors”u səfərdə 2:0 hesabı ilə məğlub edən “milyonçular” evdə “Talyeres de Kordoba”dan maksimum xal aldı. Amma kordobalılarla oyun Argentinanın son çempionu üçün heç də asan keçmədi. Oyun planında üstün olan Martin Demiçelisin komandasının qələbəsini Rondonun ilk hissədə vurduğu yeganə qol təmin etdi. “River Pleyt” LK-da ilk dəfə liderliyə yüksəldi.

A qrupunda tura hərəyə 13 xal toplamaqla başlayan hər iki komanda məğlub oldu. “Atletiko Urakan” səfərdə “Rosario Sentral”a 0:1, “Kolon” isə “Barrakas Sentral”a 1:2 hesabı ilə uduzdu. Məğlubiyyətlərə baxmayaraq, “Atletiko Urakan” və “Kolon” uyğun olaraq 3-cü və 4-cü yerlərdə qaldılar.

B qrupunda keçirilən oyunlarda qeydə alınan nəticələrdən sonra cədvəlin üst pillələrində əhəmiyyətli dəyişikliklər baş verdi. Tura lider kimi başlayan “Rasinq” evdə “Platense”yə 1:2 hesabı ilə uduzdu. “Belqrano”nun bundan yararlanaraq 1-ci yerə yüksəlmək şansı vardı. Bunun üçün evdə “Boka Xuniors” məğlub edilməli idi. Ölkə nəhəngi isə derbidə “River Pleyt”ə məğlubiyyətin əvəzini çıxmağa çalışacaqdı. Amma Mariano Erronun komandası turun sonuncu oyununda 364 hesabı ilə uduzdu. Qələbə “Belqrano”ya qrupda liderliyə yüksəlmək imkanı verdi. “Boka Xuniors” isə 8 oyuna 5-ci məğlubiyyətlə 11-ci yerdə “möhkəmləndi”.

qrup mərhələsi, 8-ci tur
Arxentinos Xuniors - İndependyente 0:0
River Pleyt - Talyeres de Kordoba 1:0
Rondon, 19.
Rosario Sentral - Atletiko Urakan 1:0
Kampas, 42.
Barrakas Sentral – Kolon 2:1
A.Dominges, 62. Karlos Arse, 81 – Qalvan, 14.
Rasinq - Platense 1:2
Qalyeqo, 85 – N.Kastro, 19-p. R.Martines, 55.
Belqrano - Boka Xuniors 4:3
Passerini, 3; 38. Barinaqa, 34. Rolon, 45+1 – Benedetto, 19. Merentyel, 29; 57.
Union - Sarmyento 1:0
Orsini, 90+4.
San Lorenso - Nyuellz Old Boyz 0:3
Ferreyra, 21; 58. Sordo, 74.
Lanus - Defensa y Xustisiya 0:2
Beron, 76. Solari, 86.
Estudiantes - Qodoy Krus 0:1
Alyende, 33.
Sentral Kordoba - Tiqre 1:0
Okampos, 52.
İnstituto - Ximnasiya 1:1
Kuelyo, 47 – Mammini, 90+2.
Arsenal – Banfild 0:0
Veles Sarsfild - Atletiko Tukuman 3:1
X.Qarsiya, 8. S.Kastro, 12. Florentin, 18 - Koronel, 61.

A qrupu
1. River Pleyt 8 5 1 2 15-8 16
2. İndependyente 8 4 3 1 8-4 15
3. Atletiko Urakan 8 4 1 3 11-6 13
4. Kolon 8 4 1 3 11-9 13
5. Veles Sarsfild 8 4 1 3 10-9 13
6. Arxentinos Xuniors 8 3 3 2 12-11 12
7. Talyeres de Kordoba 8 3 2 3 10-7 11
8. İnstituto 8 2 5 1 6-4 11
9. Banfild 8 3 2 3 6-5 11
10. Rosario Sentral 8 3 2 3 7-8 11
11. Atletiko Tukuman 8 2 4 2 5-6 10
12. Barrakas Sentral 8 3 1 4 7-14 10
13. Ximnasiya 8 2 2 4 6-12 8
14. Arsenal 8 2 1 5 7-11 7

B qrupu
1. Belqrano 8 3 5 0 12-7 14
2. Sentral Kordoba 8 4 1 3 7-9 13
3. Defensa y Xustisiya 8 3 3 2 9-6 12
4. Qodoy Krus 8 2 6 0 8-6 12
5. Rasinq 8 3 3 2 10-10 12
6. Nyuellz Old Boyz 8 3 2 3 9-6 11
7. Union 8 2 5 1 7-5 11
8. Platense 8 3 2 3 8-11 11
9. Sarmyento 8 2 4 2 5-4 10
10. San Lorenso 8 1 6 1 6-8 9
11. Boka Xuniors 8 2 1 5 10-11 7
12. Estudiantes 8 1 3 4 4-8 6
13. Tiqre 8 1 3 4 2-7 6
14. Lanus 8 0 3 5 4-10 3
Bombardirlər: Kokkaro (Atletiko Urakan), Qondou (Arxentinos Xuniors) - 6, Bareyro (San Lorenso) - 5.