“Oyuna canlı baxırdım. Çoxdan oyunlara canlı getməsəm də, bu dəfə qismətdən stadiondakı atmosferi gördüm. Yaxşı ki, Azərbaycanda da Çempionlar Liqasınin himnini səsləndirəcək belə komanda var. Bəli, bir çox ölkələr buna həsrətdi. Çox gözəl mühit vardı. Birinci oyunda məğlub olsa da, mənim də "Qarabağ"a ümidim vardı. Çünki oyun üslubu inam yaratmışdı, bizləri inandirmışdı ki, bu komanda 0:3-ə layiq deyil. Başlanğıcdan da həyəcan hiss olunurdu. Müəyyən təsir altında olublar bəlkə də, ona görə belə yekunlaşdı. Amma nəticə ürəkaçan deyildi. Maykl Oliveri Azərbaycanda görmək xoş oldu. Açığını deyim ki, Oliveri stadionda canlı görmək istədim, getməyinin əsas səbəblərindən biri o idi. Elə oyunlar var ki, hər iki komanda hakimin imicinin təsiri altına düşür. Onun doğru və yanlış qərarlarını qəbul edir və belə olmalıymış kimi davranır. Verdiyi qərarlar oyunun ab-havasın uyğun idi. Çünki belə referilər çoxlu tamaşaçı qarşısında oyun idarə etməyə alışıb. İdarəçiliyi pis deyildi. Birinci hissədə "Qarabağ"ın oyunçusu Mateus Silvanın ayağına zərbə vurulduğu an mənə müəmmalı gəldi. Əvvəllər oyunun icmalını baxa bilirdik, axtardım ki, o epizoda baxım, tapmadım. Yəni onun oturmədən sonra yıxılması, toxunuş necə oldu - qaranlıq qaldı. Ümumiyyətlə, verdiyi qərarlar oyunun axarını pozmadı. Stadionun atmosferinə, öz imicinə uyğun hakimlik etdi. Təəssüf ki, komandamız Avropa Liqasında mübarizə aparmalı olacaq. Qurban Qurbanov da dediyi kimi belə adlı-sanlı hakimi ölkədə görmək yaxşı oldu”.