Kleman Lanqle “Barselona”nı tərk edib. Onu “Atletiko” heyətinə cəlb qatıb.

Madrid klubunun mətbuat xidmətinin yaydığı xəbərə görə, fransalı müdafiəçi komandada 2024/25 mövsümünün sonuna qədər icarə əsasında çıxış edəcək. “Barselona” Lanqleni 2018-ci ildə “Sevilya”dan alıb. Kleman ötən mövsümü icarə əsasında “Aston Villa”da keçirib.

Yeri gəlmişkən, “Barselona” “Jirona”nın futbolçusu Pau Viktoru birdəfəlik transfer edib. Kataloniya klubunun rəsmi saytının yaydığı xəbərə görə, 22 yaşlı hücumçu ilə müddəti 2029-cu ilin iyununa qədər nəzərdə tutulan müqavilə imzalanıb. Qeyd edək ki, Viktor ötən mövsüm icarə əsasında “Barselona Atletik”də çıxış edib. O, bütün turnirlərdə 39 matçda iştirak edib, 20 qol vurub və 6 məhsuldar ötürmə verib.